شاندەکە HDP سەردانا باشوورێ کوردستانێ کر

شاندەکە HDP سەردانا باشوورێ کوردستانێ کر

شاندەکە پارتیا دەمۆکراتیکا گەلان (HDP) ئیرۆ رۆژا سێشەمێ ٢١ێ چلەیا ٢٠٢٠ گھێشت پارێزگەھا سلێمانیێ و ل گەل پارێزگارێ سلێمانیێ جڤیا.

شاندا هەدەپێ کو ژ رایەدارێن شارەداریا ئێلھا باکورێ کوردستانێ پێکھاتیە، د یەکەمین وێستگەھا سەردانا خوەیا ژ بۆ باشوورێ کوردستانێ دە سەردانا سلێمانیێ کرو دگەل پارێزگارێ سلێمانیێ دکتۆر هەڤال ئەبۆبەکر دە جڤیا.

سەرەدانا شاندێ هەدەپێ پاش ڤێ یەکێ دهێت کو ئابد ئیکە نوونەرێ هەدەپێ ل ھەرێما کوردستانێ، داخوازا شاندا هەدەپێ ژ بۆ سەرەدان کرنا باشوورێ کوردستانێ گهاندی بەرپرسێن پارێزگەھێن  ھەرێما کوردستانێ و وان بەرپرسان ژی ب ئەرینی پێشوازی ل داخوازا هەدەپێ کری.

شاندا هەدەپێ ژ ھەڤسەرۆکێ شاراداریا ئێلھێ در. مەھمەد دەمیر، پارلەمەنتەرێ هەدەپێ ئێلھێ نەژدەت ئیپەکیووز و ئەندامێن ئەنجومەنا شارەداریێ ھەدیە کارااسلان، یوونس پارین و شووکران چەلەبی پێک تێ.

ئارمانجا شاندا هەدەپێ  ژ سەردانێ ژی پێشخستنا پێوەندیێن د ناڤبەرا پارێزگەھ و شاراداریێن باکورێ کوردستانێ و باشوورێ کوردستانێ دەیە.

تێ چاڤەرێکرن کو شاندا هەدەپێ پشتی پارێزەھا سلێمانیێ، سەردانا پارێزەھێن دوھۆکێ و ھەولێرێ ژی بکە.