باله‌فران 2 گه‌ریلا ل زاپێ هه‌ده‌ف كرن

باله‌فران 2 گه‌ریلا ل زاپێ هه‌ده‌ف كرن

باله‌فرێن جه‌نگ یێن سوپایێ تركیێ، ئه‌ڤرۆ ئێریش كره‌ جهێن پارتییا كاركه‌رێن كوردستانێ په‌كه‌كێ ل هه‌رێما باشوورێ كوردستانێ و زیانێن جانی پێره‌ خستن.

چاڤكانیێن داركا مازی ئه‌شكه‌ره‌ كرن، ئه‌ڤرۆ 23/1/2020ێ باله‌فرێن جه‌نگ یێن سوپایێ تركیێ، لڤینێن په‌كه‌كێ ل ناڤچه‌یا زاپێ یا سینۆرێ هه‌ده‌ف كرن و ب وێ سه‌ده‌مێ 2 گه‌ریلا هاتن به‌رته‌ره‌ف كرن.

هه‌ر چه‌ند كو سوپایێ تركیێ ئه‌ڤ ئۆپه‌راسیۆن ل پێگه‌هێن وه‌زاره‌تا پاراستنا نه‌ته‌وه‌یی پشت راست كرییه‌، لێ به‌لێ په‌كه‌كێ و بالێ وێ یێ له‌شكری هه‌په‌گێ، چ داخوه‌یانی ل ده‌ربارا ژ ده‌ست دانا وان دو گه‌ریلایان نه‌ دانه‌.

سوپایێ تركیێ، پارتیا كاركه‌رێن كوردستانێ په‌كه‌كێ ب به‌رده‌وامی ل هه‌رێما باشوورێ كوردستانێ دكه‌ته‌ ئارمانج و زرارێن جانی یێن مه‌زن د رێزێن گه‌ریلایان دا دهێن تۆمار كرن، په‌كه‌كه‌ ژی چ جاره‌كێ ئاماژه‌ ب وان زیانان ناكه‌ت و نه‌كارینا پاراستنا گه‌ریلایێن خوه‌ ل همبه‌ر ئێریشێن تركیێ په‌رده‌پۆش دكه‌ت.