ئۆزجان: ئۆجالان دشێت د دەما ھەفتەیەکێ دا PKKێ بێچەک بکەت

ئۆزجان: ئۆجالان دشێت د ھەیاما ھەفتەیەکێ دا PKKێ بێچەک بکەت

مامۆستایێ زانینگەھێ ئەلی کەمال ئۆزجانی کو بەری هەلبژارتنێن ھەرێمی ل ترکیێ سەردانا ئیمرالیێ کربوو ژ بۆ دیتنا ئەبدولا ئۆجالان سەرۆکێ زیندانیکری یێ پەکەکێ، دبێژیت، گەر دەرفەتێ ب ئۆجالان بدەن، ئۆجالان دشێت د ھەیاما ھەفتەیەکێ دا پەکەکێ بێچەک بکەت.

در. ئالی کەمال ئۆزجان کو بۆ میدیایا ترکیێ ئاخفتیە راگەهاند، ئەگەر پەیاما ئۆجالان کو دابوو دەست پارێزەرێن خۆ ژ بۆ رایا گشتی ھاتبا خاندن، وی دەمی دا بنالی یلدرم ل ستەنبۆلێ د هەلبژارتنان دا سەرکەڤیت و ل ترکیێ دەست ب پێڤاژۆیەکا نوو کەت.

ئۆزجان دبێژیت، ھندەک کەس دبێژن ئەبدولا ئۆجالان د زیندانێ دایە و ل سەر کوردان و پەکەکێ هیچ کارتێکرنەک نینە. لێ ئەڤە نەراستە، ژبەرکو هێشتا ئۆجالان خۆدان کارتێکرنە ل سەر پەکەکێ ئەگەر دەرفەت بێتە دان و رێ بهێتە ڤەکرن، ئەبدولا ئۆجالان دشێت د ھەیاما ھەفتیەکێ دا پەکەکێ بێچەک بکەت و ل ترکیێ ژی دەست ب پرۆسەیەکە نوو بهێتە کرن.

ھەروھا گۆت ژی: ئەگەر ئەڤ نامەیە ژ بۆ رایا گشتی هاتبا خواندن و پێڤاژۆیەکا نوو درست ببا وی دەمی ئەگەر هەبوو ل رۆژاڤایێ کوردستانێ ژی ئۆپەراسیۆنا  رۆژھلاتێ فراتێ نەھاتبا ئەنجامدان.

ئۆزجان دە بەردەوامیا ئاخافتنێن خۆ دا راگەهاند، من ب داخوازا دەولەتێ سەردانا ئۆجالان کریە و دیسا ب داخوازا وان، پەیاما ئۆجالان ب تنێ خواندیە و گۆت، قەندیل و ئۆجالان ل سەر ئێک خەتێ نە، لێ هەدەپە و رێخستنا ئەورۆپا سیاسەتەکا جودا ژ سیاسەتا قەندیلێ برێڤە دبەن. ھەر چەند ئۆجالان گۆتیە، بلا دەنگدەرێن کورد ل ستەنبۆلێ لایەنگریێ نەکەن ژی، لێ هەدەپێ بانگا پشتەڤانیا بەربژێرێ جەهەپێ کریە.

ئۆزجان گۆت، ھەولێن وی ژ بۆ سەردانکرنێ بەردەوامن، لێ ھەفت مەھ دەرباس بوون، و حەتا نوکە ژی مۆلەتا سەردانا وی بۆ دەف ئۆجالان نەھاتیە دان.