پشتی ئەردھەژا ناڤەندا وێ خارپتێ یا ناڤچەیا ئەلەزیزێ یا کو لەرزا وێ 6.8 بوو ل ھەرێمێ كارێن لێگەرین و رزگار كرنێ بێ ڤه‌قه‌تیان به‌رده‌وامن.

ئەردھەژا لەرزا وێ 6.8 بوو ل رۆژا ئینیا رابووری ل ده‌مژمێر 10:55 خۆله‌ك ب شه‌ڤێ چێبوو، ئه‌ڤرۆ ژی د سەر ئەردھەژێ را 65 ده‌مژمێر دەرباس بوون.

د ئەردھەژێ دا 2 کەس ژ بەر نه‌خوه‌شییا دل مرن، ل ئەلەزیزێ 35 کەس، ل مەلەتیێ 4 کەس، ب تەڤاھی 41 کەس مرن.

پشتی كارێن لێگەرین و رزگار كرنێ، 45 کەس ژ بنێ كاڤل و هه‌رفته‌یێن ئاڤاهییان ب ساخی ھاتن رزگار كرن.

تیمێن ئافادێ و یێن لێگەرین و رزگار كرنێ ل تاخا سورسورویێ یا ناڤەندێ د ئاڤاھیێ کو ھلوەشیابوو دا، كارێن خوه‌ به‌رده‌وام دكه‌ن.