هه‌رێما كوردستانێ ل ده‌ربارا «كۆرۆنا» یێ په‌یامه‌كا زێده‌ گرنگ به‌لاڤكر

وەزارەتا ساخله‌مییا حکوومەتا ھەرێما باشوورێ کوردستانێ ل ده‌ربارا به‌لاڤبوونا ڤایرۆسا كۆرۆنایێ راگهاندنه‌ك به‌لاڤ كر و تێده‌ دل رحه‌تیێ د ده‌ته‌ وه‌لاتییان كو چ حاله‌تێن ڤێ ڤایرۆسێ ل هه‌رێما كوردستانێ نینن، ئه‌شكه‌ره‌ ژی كر، نووچه‌یێن به‌حسا به‌لاڤبوونا ڤێ نه‌خوه‌شیێ ل هه‌رێمێ دكه‌ن دووری راستیێ نه‌ و چ بنه‌مایه‌ك ژ بۆ نینه‌.

ئه‌ڤ ژی ته‌كستا راگهاندنا وه‌زاره‌تا ساخله‌میێ یه‌:

وەزارەتا ساخله‌مییا حكوومه‌تا ھەرێما کوردستانێ ژ بۆ رایا گشتی و سازیێن مه‌دیایێ رادگه‌هینیت کو چ حاله‌ته‌كا نەخوەشییا ڤایرۆسا کۆرۆنا یا نوو «nCoV – 2019» ل ھەرێما کوردستانێ نینه‌ و نەھاتییە تۆمار کرن.

جھێ داخێ یە د هنده‌ك مالپەر و مه‌دیایان دا، بێ چ چاڤکانی و بێ چ بنەما نووچەیا ھەبوونا ئەڤێ نەخوەشییێ بەلاڤ کرینە.

 ل ڤێره‌، ئەم وه‌لاتیێن ھێژا دل تەنا دکه‌ین کو دەزگەھێن ساخله‌میێ گەلەک ب ھووری و بەردەوامی چاڤدێرییا رەوشا ئەڤێ نەخوەشیێ دکه‌ن ب هه‌ماهه‌نگی ل گەل ئالیێن پەیوەندیدارێن نێڤدەولەتی و رێکارێن پێدڤی دگرن بەر ژ بۆ رێگرتنێ ل ئەڤێ نەخوەشیێ.

 ھەروەھا رادگەھینین کو ژ بلی وەزارەتا ساخله‌میێ و رێكخستنا ساخله‌مییا جیھانی ل سەر ئاستا جیھانێ، چ ئالییەکێ دی ب چاڤکانیێن بەلاڤبوونا ئەڤان نووچەیان ناھێن زانین.

وەزارەتا ساخله‌مییا

حكوومه‌تا ھەرێما کوردستانێ

27/1/2020