ئەمەریکا دێ سێ بنگەهێن سەربازی ل هەرێما کوردستانێ ئاڤا کەت

ئەمەریکا دێ سێ بنگەهێن سەربازی ل هەرێما کوردستانێ ئاڤا کەت

پێگەها برێکینگ دیفێنسی یا ئەمریکی ژ زاردەڤێ چاڤ کانیەک ئیسرائیلی کو نەخواستی ناڤێ وی بهێتە ئەشکرا کرن، ڤەگوهاست ئەمریکا مژوولی دروستکرنا سێ بنگەهێن سەربازیە ل باکورێ ئیراقێ.

ل گۆر وێ چاڤکانیێ بەروڤاژی داخویانیێن دۆنالد ترامپ، سەرۆکی ئەمریکا کو وەسان دیار دکەت دێ هێزێن خۆ ل ناڤچەیێ ڤەکێشیت، ئەمریکا مژوولی درست کرنا سێ بنگەهێن سەربازیە ل باکورێ ئیراقێ ل نێزی سینۆرێ ئیرانێ و ئەو وەسان هاتینە درست کرن کو  ب نیڤ هەتا هەتایی تێن دیتن.

ڤێ چاڤکانیێ ئاماژە ب ڤێ یەکێ کریە کو بەرپرسێن ئەمریکایێ گهشتینە وێ باوەرێ، ڤەکێشانا هێزێن وان ل ئیراقێ دێ هەژمۆن و دەستهلاتا بریار ب دەستێن ئەمریکایێ و هیزێن سەربازی یێن وی ولاتی کێم کەت و ل همبەر ڤێ یەکێ هەولێن  لەزگین یێن رووسیایێ ژ بۆ دەست دانان لسەر ناڤچەیێ برێڤە دچن.

ئەڤ چاڤکانیا ئیسرائیلی بەردەوام دکەت و دبێژیت، بەروڤاژی وان داخوازیێن ل ئیراقێ پەیدا بووی ژ بۆ دەرکرنا هێزێن ئەمریکا، هیزێن ئەمەریکا هەولێن خۆ ژ بۆ زێدەتر کرنا پێگەهێن خوە یێن سەربازی ل ئیراقێ چڕتر کرینە.