به‌فرێ و مژ و دۆمانێ 50 كۆلبه‌رێن كورد به‌رزه كرن
نێزی 50 کۆلبەرێن کورد ل رۆژهلاتێ کوردستانێ کو د شەڤا رابووری دە دناڤ بەفر و مژ و مۆرانێ دا به‌رزه ببوون، ئیرۆ پاش نیڤرۆ هاتینە دیتن و نها هەول ژ بۆ رزگار کرنا وان دهێن كرن.
ل گۆر زانیاریێن پێگەها دارکا مازی کو ل هنەک چاڤکانیێن خوە ل رۆژهلاتێ کوردستانێ ب دەست خستینە ئەو کۆلبەرێن کورد دوهـ رۆژا ئەینی ل دەمژمێر 14:30 ب دەما هەولێرێ ل ناڤچەیێن سینۆری یێن باژارێ سەقزێ به‌ر ب سینۆرێ پێنجوین یێ باشوورێ کوردستانی ب رێ کەتینە.
کۆلبەران دوهـ شەڤێ پەیوەندی ب مالباتێن خوە کرنە و ژێرە گۆتنه کو ئەو د ناڤا بەفر و مژ و مۆرانێ دا مانە و داخوازا ئالیکاریێ کرن، پشتی ڤێ یەکێ هەموو پەیوەندیێن وان دگەل مالباتێن وان قوت بوونە.
هات زانین کو ل وان ناڤچەیێن کۆلبەر تێدا ئاسێ مای هێلا تەلەفۆنێ نینە و وان ب رێیا ئامۆرێن بێتەل پەیوەندی ب مالباتێن خوە کرنە، نها ژی ب رێیا بێتەلێ رێیا دەرباس بوون ژ وێ ناڤچەیێ ژ وان رە تێ نیشاندان.
هەیا نها تو زانیارییەکە پشتراست کری ل سەر رەوشا ساخلەمییا هەموو کۆلبەران نینە و ژ بۆ رزگارکرنا وان هه‌یڤا سۆر یا سەقزی ژی د خەباتێن بەردەوام دا یە.
