ئه‌نجوومه‌نا وه‌زیرێن هه‌رێما كوردستانێ ئه‌ڤرۆ ب سه‌رپه‌رشتییا نێچیرڤان بارزانی سه‌رۆكێ هه‌رێما كوردستانێ كۆمبوو و په‌یامه‌كا زێده‌ گرنگ ژ بۆ ئیراقا فیدرال شاند.

ئه‌ڤرۆ رۆژا دوشه‌مبێ 3/2/2020ێ ئه‌نجوومه‌نا وه‌زیران كۆمبوونا خوه‌ یا ئاسایی گرێدا، نێچیرڤان بارزانی سه‌رۆكێ هه‌رێما كوردستانێ سه‌رپه‌رشتیا كۆمبوونێ كر، ره‌وشا ناڤخوه‌ و ئیراقێ و چه‌ندین پرسێن گرنگ تێدا به‌حس كرن.

نێچیرڤان بارزانی پشتگریا خوه‌ ژ بۆ گاڤێن چاكسازیێ یێن حكوومه‌تێ دیار كر و داخواز كر ب بێ جوداهی خزمه‌تا ته‌ڤ ولاتیێن باشوورێ كوردستانێ بهێته‌ كرن.

ل ده‌ربارا ره‌وشا ئیراقێ گۆت: «هه‌رێما كوردستانێ دێ هاریكار بیت ژ بۆ كو ئیراق ژ ڤێ ره‌وشێ ب ده‌ركه‌ڤیت».

ژ ئالیێ خوه‌ ڤه‌، مه‌سروور بارزانی سه‌رۆك وه‌زیرێن هه‌رێما كوردستانێ داخواز كر، حكوومه‌تا بهێت یا ئیراقا فیدرال پابه‌ندی وان رێككه‌فتنان ببیت كو ل ناڤبه‌را هه‌ولێر و به‌غدایێ هاتنه‌ كرن و ل سه‌ر بنه‌مایێ ده‌ستووری.