سه‌رۆكێ پارتییا ده‌مۆكرات یا كوردستانێ ئیرۆ ل گه‌ل بالیۆزێ ئه‌مه‌ریكایێ ل ئیراقێ جڤیا، پێشهاتێن هه‌ر داوی یێن ئیراقێ و ناڤچه‌یێ نیقاش كرن.
ئیرۆ رۆژا چارشەمێ 5/2/2020ێ ل سەلاھەددین سەرۆک مەسعوود بارزانی پێشوازییا ماتھەو تۆلەر بالیۆزێ ئه‌مەریکایێ ل ئیراقێ و شاندەکی ل گەل کر.
د ھەڤدیتنێ دا رەوشا سیاسی و پێشھاتێن داوی یێن ناڤچەیێ ھاتنه نرخاندن، ھەر وھا تیشک خستن ل سەر پرۆسەیا سیاسیا ئیراقێ و راسپاردنا سەرۆک وەزیرێ نوو یێ ئیراقێ و تەکەز ل سەر چارەسەرکرنا کێشەیان و ب دەنگ ڤە ھاتنا داخوازیێن خوەپێشاندەران و ئارامی یا ئیراقێ کرن.
ل بەشەکی دن یێ ڤێ جڤینێ دا د دەربارێ پاشه‌رۆژا گەلێ کورد ل سووریێ دا دانوستاندنا بیر و رامانان کرن و بالیۆزێ ئه‌مەریکایێ ل ئیراقێ رۆلا سەرۆک بارزانی ل نێزیک کرنا ئالیێن کوردی یێن سووریێ دا بلند نرخاند.
ھەر د ڤێ ھەڤدیتنێ دا تەکەز ل سەر پێشخستنا پەیوەندیێن ھەرێما کوردستانێ و ئه‌مەریکا و ھەماھەنگییا بەردەوامییا د ناڤبەرا ھەر دوئالییان کرن.
