ھێزێن پێشمەرگەیێن کوردستانێ ئه‌ڤرۆ سپێدێ ل سنۆرێ گەرمیان ئۆپەراسیۆنەک ل دژی تەرۆریستێن داعشێ كر و د ئەنجامێ دا پێشمەرگەیەک ب سڤکی بریندار بوو.
جیگرێ فه‌رماندارێ ھێزێن پێشمەرگەی ل گەرمیان قارەمان کەمال دیار کر کو ئه‌ڤرۆ ئێكشه‌مبێ 9 شواتێ ل ھەرێما گەرمیان و دەردۆرا وێ ئۆپەراسیۆنەکا بەرفرەھ ل دژی چەکدارێن رێکخراوا تەرۆریستی یا داعشێ هات كرن و گۆت: ئۆپەراسیۆن ل سەر داخوازا خەلکێ ناڤچەیێ بوویە.
قارەمان کەمال ئەڤ یەک ژی ئاشكرا کو کو ھێزێن پێشمەرگەی د وێ ئۆپەراسیۆنێ دا رووبروویێ چەکدارێن داعشێ بوونە، لێ چەکدارێن داعشێ رەڤیانە و ناڤچە بجھ ھشتینە.
ھەروھا قارەمان کەمال دیار کر کو ب سەدەما بۆمبەیەکێ کو پێشتر ھاتبوو دانان و ب هێزێن پێشمەرگەیێ کوردستانێ ڤە تەقیا د ئەنجاما وێ تەقینێ دا پێشمەرگەیەک بریندار بوو، لێ برینەکە سڤکە و مەترسی ل سەر جانێ وی نینە.
جیگرێ فه‌رماندارێ ھێزێن پێشمەرگە ل گەرمیان ئاماژە ب وێ یەکێ کر کو لڤین و تەڤگەرا چەکدارێن داعشێ ل ناڤچەیێ زێد بوونە و ئەو ئۆپەراسیۆن ل سەر داخوازا خەلکێ ھەرێمێ ھاتە ئەنجام دان.
