رێڤەبەرییا پارتییا ده‌مۆكراتییا گەلان هه‌ده‌پێ، كارێن خوە یێن ژ بۆ به‌ستنا کۆنگرەیا 4ێ یا حزبا خوه ب داوی ئینان كو بریاره سبه رۆژا یه‌كشه‌مبێ بهێته ساز كرن.
جیگرێ سەرۆکێ فراكسیۆنا هه‌ده‌پێ ل په‌رله‌مانێ تركیێ و په‌رله‌مانتارێ هه‌ده‌پێ یێ ستەنبۆلێ سارۆھان ئۆلوچ دەست نیشان کر، هەدەپە دێ هه‌ڤسه‌رۆكێن خوه یێن نوو د كۆنگره‌یا 4ێ یا پارتیێ دا ده‌ست نیشان كه‌ت و سه‌زایی ته‌مه‌للی دێ ده‌ست ژ كار كێشیت.
هه‌روه‌ها گۆت: «پەرڤین بۆلدان دێ ژ بۆ خوله‌كا دی یا هه‌ڤسه‌رۆكاتییا هه‌ده‌پێ هێته كاندید كرن، لێ سه‌زایی ته‌مه‌للی دێ ده‌ست ژ كار كێشت».
وی په‌رله‌مانتارێ هه‌ده‌پێ ئاماژه كر، ل جھێ سه‌زایی ته‌مه‌للی، په‌رله‌مانتارێ مێردینێ «متھات سانجار» دێ ژ بۆ هه‌ڤسه‌رۆكاتییا هه‌ده‌پێ هێته كاندید كرن.
بریارە کۆنگرەیا هەدەپێ یا 4ێ سبه رۆژا ئێكسه‌مبێ 23/2/2020ێ بهێته كرن.
