ترکیێ راگەھاند، کو د ئۆپەراسیۆنەکا تایبەت دا بەرپرسەکێ مەزن یێ پەکەکێ ل باکورێ ئیراقێ ھاتیە کوشتن. یەحیا دومان قاشۆ بەرپرسیارێ ئەیالەتا مەخموور-کەرکووکێ یێ پەکەکێ کو ب بولتەنا سۆر لێ دگەریان ب ئۆپەراسیۆنا میت و تسکیێ ل شەنگالێ ھات کوشتن.
ل گۆر چاڤکانیێن تایبەت، یەحیا دومان ب کودناڤێ “سەبری تۆری”کو ب بولتەنا سۆر لێ دگەریان، د سالا ١٩٩٣ێ دا بەشداری رێخستنا پەکەکێ بوویە.
هەروەها ل گۆر زانیاریێ کو د مەدیایا ترکیێ دە هاتینە بەلاڤکرن یەحیا دومان ل شرنەخ و سێرتێ بەشداری چالاکیان ل دژی دەولەتا ترکیێ بوویە و برێڤەبەرێ وێ ئێریشێ بوو کو د سالا ٢٠١٦ان دا ل قەرەقۆلا دیبەکلیێ یا دارگەچیتا ناڤچەیا مێردینێ ھاتیە ئەنجامدان.
ئەڤ بەرپرسێ پەکەکێ کو ل شەنگالێ ھات کوشتن ل قۆتابخانەیێن قاشۆ ھێزێن تایبەتێن پەکەکێ یێن ل ئیراقێ ژ لایاێ ئایدۆلۆژی و سەربازی پەروەردە کرینە و ژ سالا ٢٠١٩ێ تا نها ژی بەرپرسیارێ ئەیالەتا مەخموور-کەرکووکێ بوو.
