حكومه‌ت ژبه‌ر كۆرۆنایێ داخوازییه‌كێ ژ خه‌لكی دكه‌ت

حكوومه‌تا باشوورێ كوردستانێ ئیرۆ داخواز ژ وه‌لاتییان كر سه‌ره‌دانێن خوه‌ ژ بۆ كه‌ركووكێ و باژارێن ئیراقێ ب ئاوایه‌كی گشتی راگرن.

وه‌زاره‌تا كارێن ناڤخۆ یا حكوومه‌تا باشوورێ كوردستانێ ئیرۆ رۆژا چارشه‌مبێ 26/2/2020ێ داخواز ژ وه‌لاتیێن هه‌رێمێ كر، سه‌ره‌دان و گه‌شتێن خوه‌ ژ بۆ باژارێن ئیراقێ راگرن، وه‌كه‌ رێیه‌كێ ژ بۆ زێده‌تر خوه‌ پاراستنێ ژ به‌لاڤبوونا ڤایرۆسا كۆرۆنایێ.

هه‌روه‌ها داخواز ژ وه‌لاتییان كر، ب تایبه‌ت سه‌ره‌دانا هه‌ردو باژارێن نه‌جه‌ف و كه‌ركووكێ نه‌كه‌ن، ژ به‌ر كو حاله‌تێن ڤایرۆسا كۆرۆنایێ ل هه‌ردو باژاران هه‌یه‌.