مەسعوود بارزانی سەرۆکێ پارتییا ده‌مۆكرات یا كوردستانێ و رێبەرێ گەلێ کورد پەیامەک ئاراستەی رایا گشتی یا ئیراقێ و ھەرێما کوردستانێ کر و تێدا راگه‌ھاند، ئیراق کەتییە بەر قۆناغەکە نوو کو تێدا دکاریت دەرفەتەکێ ژ بۆ بجھ کرنا داخوازێن رەوا یێن خوەپێشاندەران پێك بهێت و هه‌روه‌ها بنگەھەک ژی ژ بۆ لھەڤکرن و سازانەکا گشتگیر یا نشتیمانی و ژ ھەڤ نێزیکبوونا ئالییان.
دەقێ پەیاما سەرۆک بارزانی:
ب ناڤێ خوەدایێ مەزن و دلۆڤان
پر ژ دل سپاسی ھەموو ئالیێن سیاسییێن ھەرێما کوردستانێ دکم کو ژ بلی ھەبوونا نەرینێن جودایێن سیاسی، لێ بەلێ ل بابەتا پێدان و پێ نەدانا باوەریێ ب حکوومەتا نوو یا ئیراقێ دا یەکرێز بوون. ئەڤ یەکھەلوەستی دەستکەفتەکی دیرۆکی یە ژ بۆ گەلێ کوردستانێ و جھێ پێزانینێ یە.
د ھەمان دەمێ دا ژی سپاسی وان ھەموو ھێزێن سیاسی یێن نشتمانپەروەرێن ئیراقێ دکه‌م کو ب ھەلوەستا راست و مەنتقیا خوە رێگری ل وێ یەکێ کرن کو قەیرانێن ئیراقێ زێدەتر کوور نەبن و ئیراق بەرەڤ کارەساتێ ڤە نەچیت.
ئەڤ ھەلوەستا وان ل بنگەھێن دەمۆکراسیێ و ھەروه‌ھا بەرچاڤگرتنا داخوازا ھەموو پێکھاته‌یێن ئیراقێ بوو، ژ بۆ راستەرێکرنا پرۆسەیا سیاسی، رێزگرتن بوو.
پشتی وێ ئیراق کەتییە بەر قۆناخەکە نوو کو تێدا دکاریت دەرفەتەک ژ بۆ بجھکرنا داخوازێن رەوا یێن خوەپێشاندەران پێک بهێت و بنگەھەک ژی، ژ بۆ لھەڤکرن و سازانەکی گشتگیرییا نشتمانی و ژھەڤنێزیکبوونا ئالییان پێک بهێت.
مەسعوود بارزانی
2/3/2020
