باله‌فرێن شه‌ركه‌ر یێن تركیێ ئه‌ڤرۆ هێرش كرنه جهـێن پارتییا كاركه‌رێن كوردستانێ په‌كه‌كێ ل هه‌رێما باشوورێ كوردستانێ و زیانێن گیانی گه‌هاندنێ.
ل گۆر ژێده‌رێن پێگه‌ها «داركا مازی» ل باشوورێ كوردستانێ، ئه‌ڤرۆ رۆژا چارشه‌مبێ 11/3/2020ێ باله‌فرێن شه‌ركه‌ر یێن ده‌وله‌تا تركیێ، جهـ و حه‌ره‌كه‌تێن پارتییا كاركه‌رێن كوردستانێ، ل ناڤچه‌یا خواكوركی ل هه‌رێما باشوور بۆردۆمان كرینه.
هه‌روه‌ها ده‌ست نیشان كرن، د بۆردۆمانێ دا، 4 گه‌ریلایێن په‌كه‌كێ هاتنه كوشتن، هه‌روه‌ها هنده‌ك جهێن په‌كه‌كێ هاتنه وێران كرن.
پارتییا كاركه‌رێن كوردستانێ په‌كه‌كێ و بالێ وێ یێ له‌شكری هه‌په‌گێ، داخویانی ل ده‌ربارا وێ هێرشا تركیێ و ژ ده‌ستدانا گه‌ریلایێن خوه به‌لاڤ نه‌كرییه.
