پەیاما سەرۆکێ حکومەتا ھەرێما کوردستانێ ب بۆنەیا ٣٢مین سالڤەگەرا کیمیابارانا ھەلەبجە

پەیاما سەرۆکێ حکومەتا ھەرێما کوردستانێ ب بۆنەیا ٣٢مین سالڤەگەرا کیمیابارانا ھەلەبجە

سەرۆکێ حکومەتا ھەرێما کوردستانێ، مەسروور بارزانی ب بۆنەیا دەربازبوونا ٣٢ سالان ب سەر کیمیابارانکرنا باژارێ ھەلەبجە پەیامەک بەلاڤ کر.

ئەڤ ژی دەقا وێ پەیامێ یە:

ئیرۆ ٣٢ سال ب سەر کیمیاباران کرن و کۆمەلکوژیا باژارێ ھەلەبجەیێ رە کو بەشەک بوو ژ سیاسەتا گەنۆجدە کرنا گەلێ کوردستانێ، دەرباس دبە.

ئەڤ تاوانا ھان یا مەزن یاکو ل ھەمبەر نەتەوا مە ھاتە کرن، برینەکە کوورە د دیرۆکا گەلێ کوردستانێ دە و نیشانەیا ئەڤ ستەمکاری و زۆرداریە کو ل ھەمبەر گەلێ کوردستانێ ھاتیە کرن.

ھکوومەتا ھەرێما کوردستانێ کو بەرھەما خوینا شەھیدان و بەرخوەدانا گەلێ مەیە، تەڤاھیا ھەولێن خوە بۆ خزمەت کرنا زێدەتریا کەسووکارێن شەھید و ئەنفال کریان ب تەڤگەر دکە.

لازمە ئەڤ بیرانینێن تەراژەدیک مە زێدەتر ھان بدن بۆ یەکرێزی، یەکگرتی و کار کرنا ھەڤبەش بۆ زالبوون ب سەر تەڤاھیا کارەسات و رەوشێن دژوار دە.

سەرێ رێز و نەوازشێ بۆ جانێ پاقێژ  یێ شەھیدێن ھەلەبجە و تەڤاھیا شەھیدێن کوردستانێ.

سەرۆکوەزیرێ ھەرێما کوردستانێ

مەسروور بارزانی

١٦.٣.٢٠٢٠