یهكهم تووشبوویێ ڤایرۆسا كۆرۆنا یا نوو (كۆڤید-19) ئیرۆ ل پارێزگه‌ها دهۆكێ ئه‌شكه‌ره بوو، ئه‌ڤ یه‌ك هه‌موه‌ختا برێڤه‌چوونا یهكهم رۆژا قه‌ده‌غه‌یا ده‌ركه‌تنێ یا سه‌رانسه‌ری یه ل هه‌رێما باشوورێ كوردستانێ.
وه‌زاره‌تا ته‌ندروستیێ یا حكوومه‌تا باشوورێ كوردستانێ ئیرۆ رۆژا پێنجشه‌می 19/3/2020ێ د به‌یانه‌كه فه‌رمی دا ئه‌شكه‌ره كر، یهكهم كه‌یسا تووشبوونێ ب ڤایرۆسا كۆرۆنا یا نوو (كۆڤید-19) ل پارێزگه‌ها دهۆكێ هات ده‌ست نیشان كرن.
هه‌روه‌ها ئاماژه كر، ئه‌ڤ كه‌یس وه‌لاتییه‌كێ ته‌مه‌ن 50 سالی یه و ژ وه‌لاتێ ئه‌لمانیایێ ڤه‌گه‌ریایه باشوورێ كوردستانێ.
ل گه‌ل ئه‌شكه‌ره بوونا ڤێ كه‌یسێ هه‌ژمارا تووشبوویێن ڤیرۆسا كۆرۆنا یا نوو ل هه‌رێما باشوورێ كوردستانێ گه‌هشتن 40 كه‌سان، 13 چاره‌سه‌ر بوونه و ڤه‌گه‌رینه مال و یه‌ك كه‌یسا مرنێ یه.
