به‌رپرسێن په‌كه‌كێ و رایه‌دارێن ئیرانێ ل ڤێ داویێ كۆمبووینه
ڤایرۆسا كۆرۆنا یا نوو به‌لاڤبوونا وێ به‌رده‌وامه و ترس هه‌یه، نها ل ناڤا رێزێن پارتییا كاركه‌رێن كوردستانێ په‌كه‌كێ به‌لاڤه بوویه، ژبه‌ر تێكله‌یێن وان یێن به‌رده‌وام ل گه‌ل كۆمارا ئیسلامییا ئیرانێ.
پشتی بەلاڤبوونا بەرفرەها ڤایرۆسا کۆرۆنا يا نوو ل ناڤا ئیرانێ، ب تایبەت ل چەند رۆژێن رابووری و مرنا هەژمارەکا زێدە ژ گەلێ ئیرانێ کو هه‌تا نها پێتر ژ 27 هەزار کەسان تووش بوونە و پیتری 2 هەزار کەسان ژی جانێ خوە ب ڤێ سەدەمێ ژ دەست دانە، نها ترس هه‌یه ئه‌ڤ ڤایرۆسا كۆشنده ل ناڤا رێزێن پارتییا كاركه‌رێن كوردستانێ په‌كه‌كێ به‌لاڤه‌بوویه.
ل ئیرانێ هەژمارەکا زێدە یا رایەدارێن وی وه‌لاتی ژ ئەندامێن پارلامەنتۆیێ هه‌تا دگەهیتە رایەدارێن ئەمنی و سەربازی ب ڤایرۆسا کۆرۆنایێ کەتنه.
هه‌ر چه‌ند کو هه‌تا نها دبیت ئه‌ڤه تشتەکێ سروشتی بیت، ژ بەر کو ئەڤ ڤایرۆسه ل پرانیا ولاتان بەلاڤ بوویە، لێ تشتێ نەسرۆشتی ل ڤێرێ ئەڤەیه کو ب سەدەما «جڤینا رایەدارێن ئیرانێ دگەل بەرپرسێن پەکەکێ، دبیت ئەڤ ڤایرۆسه نها د ناڤا پەکەکێ ژی دا ژی بەلاڤ بوویە».
ل گۆرەی زانیاریێن تایبەت یێن چاڤكانیێن پێگەها «دارکا مازی» ل رۆژهلاتا كوردستانێ، ب سەدەما جڤینێن بەردەوام یێن په‌كه‌كێ و رایه‌دارێن ئیرانێ، ب تایبەت ل ناڤچەیێن (شنۆ و سەردەشتێ)، ترس هه‌یه ب رێیا وان به‌رپرسیارێن په‌كه‌كێ، ئه‌ڤ ڤایرۆس ل ناڤا رێخستنا په‌كه‌كێ به‌لاڤه‌بوویه.
پاش ڤەگەرینا ڤان رایەدارێن پەکەکێ ژ بۆ چیایێ هەلگۆرد یێ سەر ب باژارێ چوومانێ، ده‌نگۆیێ ئه‌وێ یه‌كێ هه‌یه كو ئەڤ ڤایرۆس ل جه‌م هنەک گەریلایێن پەکەکێ ته‌سبیت بوویه.
هه‌روه‌ها ئه‌شكه‌ره كر، ژ به‌ر كو په‌كه‌كه كه‌لوپه‌لێن خوارنێ و پێویستیێن خوه ژ ئیرانێ هاورده دكه و ئه‌ڤ كه‌لوپه‌لێن وان بێ چاڤدێری تێ باشوورێ كوردستانێ، ئه‌ڤ ژی ئه‌گه‌را به‌لاڤبوون و گه‌هشتنا ڤایرۆسێ بۆ ناڤا په‌كه‌كێ پێتر دكه‌ت.
چاڤكانیێن «داركا مازی» ل رۆژهلاتا كوردستانێ ئه‌شكه‌ره كرن، د نها دە ترسەکا هەری مەزن ل جەم گەلێ باشوورێ كوردستانێ پەیدا بوویە ب تایبەتی هه‌مولاتیێن كو ل ناڤچەیێن سینۆری و ل گوندان دژین و پەکەکە چوون و هاتنا گوندێن وان دکەت، له‌وما پێویسته گه‌لێ باشوورێ خوه نێزی په‌كه‌كێ و گه‌ریلایێن وان نه‌كه‌ت.
