وەزارەتا تەندورستییا هەرێما کوردستانێ ئامارێن نوو یێن کۆرۆنایێ بەلاڤ دکەت

وەزارەتا تەندورستیێ ئامارێن نوو یێن کۆرۆنایێ بەلاڤ دکەت

وەزارەتا تەندورستیێ یا ھەرێما کوردستانێ د داخویانۆیەکێ دا کو ب داخویانیا (٣١) بناڤ کر، ئامارێن نوویێن پێکەتنا ب ڤیروسا کۆرۆنا راگھاندن کو ب ڤی ئاوایی نە:

١کەرەنتین

ھەژمارا وەلاتیێن ھاتینە کەرەنتینکرن (٥٣١٥) کەس ل (٣٥) جھێن جودا بوون. نھا تەنێ (١٢٤٨) کەس د کەرەنتینێ دە مانە، (٢٩٩) کەس ل ھەولێرێ، (٢٣٨) کەس ل سلێمانیێ، (٦٢٨) ل دوھۆکێ، (٣٠) ل ھەلەبجە، (٣٥) ل راپەرینێ، (٢٠) ل کۆیێ. (٤٠٧٦) وەلاتی ژی پشتی مانا دو ھەفتەیان ژ کەرەنتینێ دەرکەتنە و ڤەگەریانە مالێن خوە. ھەروھا (٤٢) کەسێن دن ژی د ٢٤ دەمژمێرێن بووری دە ھاتنە کەرەنتیکرن.

٢- پشکنین

د ٢٤ دەمژمێرێن بووری دە (٥٤٤) پشکنین ھاتن کرن، (٣٩٦) ل ھەولێرێ، (٩٢) ل سلێمانیێ، (٥٦) ل دوھۆکێ.

دەرەنجام (٦) پێکەتیێن نوو ھاتن تۆمارکرن:

ل پارێزگەھا ھەولێرێ (٣) کەسن، کو پیایێن (٣٤)، (٣٥)، (٥٤) سالی نە، دو ژ وان بیانی نە و د کەرەنتینێ دە بوون ویێ دن ژ بریتانیایێ ڤەگەریابوو و روونشتڤانێ ناحیا خەلیفانە.

ل پارێزگەھا سلێمانیێ (١) ژنەکە (٧٠) سالییە و روونشتڤانا قەزەیا دەربەندیخانە.

ل پارێزگەھا دوھۆکێ (٢) کەسن، کو زەلامێن (١٩) و (٢١) سالی نە و بەرکەتیێن پێکەتیێن بەرێ یێن روونشتڤانەکی دوھۆکێ و قەزایا ئامێدیێ نە.

٣- ئامەرێن گشتی

کۆما گشتی یا ھلگرێن ڤیروسا کۆرۆنا ل ھەرێما کوردستانێ (١٢٨) کەسن، ژێ (٢) حالەتێن مرنێ ھەنە و (٥٥) کەس ژی ب تەمامی باش بوونە ویێن دن د بن چاڤدێریا تەندورستیێ دە نە.

وەزارەتا تەندورستیێ لگەل دەستخوەشییێ ل وەزارەتا ناڤخوە و تیمێن پزیشکی کو د کار دە نە دکە، داخواز ژ وەلاتییان دکە ب ت ئاوایەکێ ژ مالێن خوە دەرنەکەڤن دەرڤە، پابەندی  رێنمایێن تەندورستییێ بن، تێکلداری کەسێن دن نەبن و د دەما پێویست دە پێوەندیێ ب ھێلا گەرما (١٢٢) رە بکن.