ھێزێن سووریا دەمۆکراتیک (هەسەدێ) د داخوەیانیەک فەرمی دە راگھاند کو ژ ئالیێ وان ڤە ئێریشەکە ئارتێشا ترکیێ و گرووپێن چەکدارێن ئالیگرێن وێ ھاتە شکاندن و ئۆتۆمۆبیلەک لەشکەری ھاتە ژناڤبرن و چەکدارەک ژی ھات کوشتن.
ھێزێن سووریەیا دەمۆکراتیک راگھاند کو ھێزێن وان ئێریشەکە ئارتێشا ترکیێ و گرووپێن چەکدارێن ئالیگرێن وێ ل سەر رێیا م-٤ و ناڤچەیا گوندەوارێ باژارێ ئەین ئیسا، تێک شکاندن.
شەرڤانێن هەسەدێ “د چارچۆڤەیا پاراستنا رەوا دە بەرسڤا ئێرشێ دا”، د ئەنجامێ دە ئۆتۆمۆبیلەک لەشکەری ھات ژناڤبرن و ھەری کێـم چەکدارەک ژی ھاتە کوشتن.
ئاژانسا فەرمی یا حکوومەتا ترکیێ ئاایێ ژی پشتراست کر کو ژ ئالیێ شەرڤانێن ھسدێ ڤە ئۆتۆمۆبیلەک لەشکەری ھاتە تێکبرن و چەکدارەکی ئۆپۆزسیۆنا سووریێ ژی ھاتە کوشتن.
ئەڤ یەک د دەمەکێ دە تێ، کو ب سەدەما ڤیرۆسا کۆرۆنایێ و وەکە پابەندی ب داخوازا سەکرەتەرێ گشتییێ نەتەوەیێن یەکبوویی، هەسەدێ پێشی چەند رۆژان ئاگربەست ژ ئالیێ خوە ڤە راگھاندبوو.
