باله‌فرێن تركیێ ده‌ڤه‌را دۆسكی یا بۆردۆمان كر

باله‌فرێن تركیێ ده‌ڤه‌را دۆسكی یا بۆردۆمان كر

باله‌فرێن جه‌نگ یێن تركیێ، ئه‌ڤرۆ ده‌ڤه‌ره‌كا سنۆرێ پارێزگه‌ها دهۆكێ یا باشوورێ كوردستانێ بۆردۆمان كر و ئه‌گه‌را بۆردۆمانێ، پارتییا كاركه‌رێن كوردستانێ یه‌.

چاڤكانیێن پێگه‌ها «داركا مازی» ل باشوورێ كوردستانێ ده‌ست نیشان كرن، ئه‌ڤرۆ رۆژا سێشه‌مبێ 31/3/2020ێ باله‌فرێن جه‌نگ یێن ده‌وله‌تا داگیركار یا تركیێ، ناڤچه‌یا ب ناڤێ «به‌رتلخا» ل ئاقارێ گوندێ «گوند كوسه»‌ ل ده‌ڤه‌را دۆسكی یان بۆردۆمان كر.

هه‌روه‌ها دیار كر، ئه‌ڤ هێرش ل ده‌مژمێر 1:45 خوله‌كی پاش نیڤرۆ چێبوویه‌ و ئه‌گه‌ر ژ بۆ لڤینێن گه‌ریلایێن په‌كه‌كێ ل ناڤچه‌یێ ڤه‌دگه‌ریت.

تێ زانین ئاكنجیێن گوندێ «گوند كوسه‌» ئه‌وێ دكه‌ڤیته‌ ده‌ڤه‌را دۆسكی یان و گرێدای ناحیا مانگێشكێ یه‌، پرانییا ئاكنجیێن وێ، كرستیانن.

پارتییا كاركه‌رێن كوردستانێ، پاش ته‌باخا سالا رابووری 2019ێ لڤین و حه‌ره‌كه‌تێن خوه‌ ئێخستینه‌ ناڤا گوندان و ئه‌ڤ یه‌كه‌ بوویه‌ جهێ دلگرانییا خه‌لكێ ده‌ڤه‌رێ و ئه‌و دخوازن په‌كه‌كه‌ ژ گوندێن وان دوور بكه‌ڤیت ژ بۆ كۆ نه‌كه‌ڤنه‌ به‌ر هێرش و بۆردۆمانان.