هێزێن ئه‌وله‌هیێ یێن هه‌رێما باشوورێ كوردستانێ، ته‌رۆریسته‌كێ مه‌زنێ گرێدایی رێخستنا داعشێ ده‌سته‌سه‌ر كر كو به‌شداری هه‌موو ئێریشێن ل دژی پێشمه‌رگه‌ی كربوو.
چاڤكانیێن پێگه‌ها «داركا مازی» ل باشوورێ كوردستانێ، ده‌ست نیشان كرن كو هێزێن ئه‌وله‌هیێ یێن ئیداره‌یا گه‌رمیان یا باشوورێ كوردستانێ، ئیرۆ رۆژا شه‌می 4-4-2020ێ، ده‌سته‌سه‌ر كرنا ته‌رۆریستێ ب ناڤێ «مه‌حموود خورشید» یێ به‌رپرسێ گرۆپا ب ناڤێ «فه‌تح وقادسییه» یا گرێدای رێخستنا ته‌رۆریستییا داعشێ راگه‌هاند.
مه‌حموود خورشید، ب كۆد ناڤێ «ئه‌بوعه‌لی» ل ناڤچه‌یا ب ناڤێ جه‌باره یا ل ژێر كۆنترۆلا سپایێ ئیراقێ خوه ڤه‌شارتبوو، مه‌هه‌كێ به‌ریا نها ب پاسپۆرته‌كه ساخته هاتبوو باژاركێ رزگاری یێ گرێدای گه‌رمیانێ و پشتره ژ ئالیێ هێزێن ئه‌وله‌هیێ ڤه تێ ده‌سته‌سه‌ر كرن.
ته‌رۆریست محه‌مه‌د خورشید ته‌مه‌ن 52 ساله و ب به‌رپرسیارێ 11ێ یێ داعشێ تێ هه‌ژمارتن كو ل وێ ناڤچه‌یێ ب ده‌ست هێزێن ئه‌وله‌هییا باشوورێ كوردستانێ تێن ده‌سته‌سه‌ر كرن كو 3 ژ وان پله‌یا ئه‌میری هه‌بوو.
چاڤكانیێن پێگه‌ها «داركا مازی» ل باشوورێ كورستانێ و ل گۆر پێزانێن كو ژ به‌رپرسیاره‌كێ ئه‌وله‌هیێ وه‌رگرتنه ئه‌شكه‌ره كرن كو ته‌رۆریست خورشید مه‌حموود ل وه‌ختا شه‌رێ داعشێ، به‌شداری هه‌موو ئێریشێ وێ رێخستنا ته‌رۆری ل دژی پێشمه‌رگه‌ی ل سینۆرێ گه‌رمیانێ كربوو.
