جل شۆیەک دبە سەدەما دەرکەتنا شەرێ دناڤبەرا میلیشیایێن سەر ب ترکیێ

جل شۆیەک دبە سەدەما دەرکەتنا شەرێ دناڤبەرا ملیسێن سەر ب ترکیێ

هەر کو دچە ریسوا بوونا میلیشیایێن سەر ب ترکیێ ل سووریێ زیدەتر دبن و داوی ریسوائیا وان ئەڤە کو ب سەدەما دزینا جلشۆیەکێ دناڤبەرا دو شاخێن سەر ب گرۆپا “سولتان مراد” ل باژارێ سەرێ کانیێ ل باکورێ باژارێ حەسەکێ شەر دەرکەت هۆلێ.

ئیرۆ رۆژا سێ شەمی ٧/٤/٢٠٢٠ان روانگەها سووری یا مافێن مرۆڤان راگهاند، ب سەدەما دزینا جلشۆیەکێ شەر دناڤبەرا چەکدارێن سەر ب گرۆپا سولتان مراد ڤە قەومی و ب ڤێ سەدەمێ ٤ ملیس بریندار بوون.

ل گۆرەی راپۆرا روانگەها سووری ژ بۆ مافێن مرۆڤان، دو کەس ژ برینداران ژبەر برینێن وان یێن دژوار هاتینە ڤەگوهاستن ژ بۆ نەخوەشخانەیێن ولاتێ ترکیێ.

ئەڤ یەکەم جار نینە کو شەر ب چەکێن سڤک دناڤبەرا چەکدارێن گرۆپێ “ئەلئەحرار ئەلشەرقیە”  یێن سەر ب ترکیێ ل باکورێ سووریێ ژ ئالیەکێ و شڤانێن گوندێ قاسم ل ناڤچەیا راجۆ ژ ئالیەکێ دن ب سەدەما نەدانا قەرێن پەرە یێن چەکدارێن سەر ب ڤێ گرۆپێ ڤە شەر دقەومە.

کارێن کرێت و خەلەت یێن ڤان گرۆپا ل ناڤچەیێن هەبوونا وان ل باکورێ سووریێ، هەر کو دچە زێدەتر دبە ب ئاوایەک وەها کو ڤان ملیسان دەست ب دەرکرنا مالباتێن ڤان گوندان کریە و دەستێ خوە دانینە سەر تەرش و تەوالێ خوەدیێن وان گوندان.

ڤان گرۆپا هەر وەها هەم ولاتیەک کورد ئێ گوندێ میرکان یێ سەر ب ناڤچەیا معیتلی ل باکورێ عەفرینێ دەستەسەرکر و پشتی لێدانەک زۆر و ئیشکەنجەکرنەک وەحشیانە، ئەو ب عەرەبەیەک لەشکەری ڤە گرێدا و ل بەر چاڤێن گەل ژ بوو دروستکرنا ترسێ، دەست ئاڤێت کشاندنا وی هەمولاتی ل سەر ئەردێ،

ل گۆرەی ئیدیئایا ڤان چەکداران، ڤی هەم ولاتیێ کورد ل رێڤەبەریا خوەسەر ل باژارێ عەفرینێ پێش نها دشۆغلی، لێ بەلێ ئەڤ ئیدیئایا ڤان ملیسێن سەر ب ترکیێ ڤە ب توندی ژ ئالیێ جیران و گەلێ دناڤا گوندی دە هات درەواندن.