په‌كه‌كێ فه‌رمانداره‌كێ دن ل زاپێ ژ ده‌ست دا

باله‌فرێن ده‌وله‌تا تركیێ، ئیرۆ ئێریشا ناڤچه‌یا ب ناڤێ زاپێ ل باشوورێ كوردستانێ كر، ئێریشێ فه‌رماندارێ په‌كه‌كێ «فازل ئه‌كینجی» هه‌ده‌ف كر و جانێ خوه‌ ژ ده‌ست دا.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، باله‌فرێن جه‌نگ و یێن بێ پیلۆت یێن ده‌وله‌تا داگیركار یا تركیێ، ئیرۆ رۆژا چارشه‌می 8/4/2020ێ چه‌ندین ئێریش ل ناڤچه‌یێن زاپێ و حه‌فته‌نینێ پێكئانینه‌ و زرارێن جانی یێن مه‌زن ب په‌كه‌كێ خستنه‌.

د ئێریشا زاپێ ده‌، باله‌فرێن تركیێ فه‌رماندارێ په‌كه‌كێ یێ ب ناڤێ «فازل ئه‌كینجی» ب كۆد ناڤێ «زینار» هه‌ده‌ف كر و هه‌ر راست جانێ خوه‌ ژ ده‌ست دا.

ل گۆر مه‌دیایا تركیێ، «فازل ئه‌كینجی» د لیستا ره‌نگ شین یا داخوازكریێن ده‌وله‌تێ ده‌ یه‌ و ئیرۆ رۆژا چارشه‌می ئه‌و ل ناڤچه‌یا زاپێ هاتییه‌ هه‌ده‌ف كرن.

چاڤكانیێن پێگه‌ها «داركا مازی» ئه‌شكه‌ره‌ كرن، ل حه‌فته‌نینێ ژی، باله‌فرێن ده‌وله‌تا تركیێ ئێرۆ ئێریش پێكئانینه‌ و 2 گه‌ریلایان جانێ خوه‌ ژ ده‌ست دا.