مه‌سروور بارزانی خاله‌كا زێده‌ گرنگ بۆ مسته‌فا كازمی دوپاتكر

سه‌رۆك وه‌زیرێ هه‌رێما باشوورێ كوردستانێ، ئیرۆ پشتگری ژ بۆمسته‌فا كازمی، كاندیدێ سه‌رۆك وه‌زیرییا ئیراقێ نیشان دا و داخواز كر پێكڤه‌ كار ژ بۆ چاره‌سه‌ركرنا كێشه‌یێن نێڤبه‌را حكوومه‌تێن باشوورێ كوردستانێ و ئیراقا فه‌ده‌رال دا بكه‌ن.

مه‌سروور بارزانی سه‌رۆك وه‌زیرێ هه‌رێما باشوورێ كوردستانێ ئیرۆ رۆژا پێنجشه‌می 9-4-2020ێ په‌یوه‌ندی ب مسته‌فا كازم كاندید ژ بۆ سه‌رۆك وه‌زیرییا ئیراقێ كر و پشتگرییا خوه‌ ژ بۆ نیشان دا.

مه‌سروور بارزانی دوپات كر كو ئه‌و هێڤی دكه‌ن بكارن ب هه‌ڤرا كار ژ بۆ چاره‌سه‌ركرنا كێشه‌یێن نێڤبه‌را حكوومه‌تێن باشوورێ كوردستانێ و ئیراقا فه‌ده‌رال دا ل گۆر ده‌ستوورا وه‌لات بكه‌ن.

دوهـ رۆژا چارشه‌می، نێچیرڤان بارزانی سه‌رۆكێ هه‌رێما باشوورێ كوردستانێ ژی پشتگری ژ بۆ كاندید كرنا مسته‌فا كازم ژبۆ ئاڤاكرنا حكوومه‌تا تازه‌ یا ئیراقێ نیشان دابوو.

پوستێن ھەمان بەش