چه‌ته‌یێن ئه‌ردۆگان سینۆرێ گرێ سپی بۆرۆدمان كر

 چه‌ته‌ و ملیشیایێن ده‌وله‌تا داگیركار یا تركیێ، ئیرۆ هه‌ژماره‌كه‌ گوندێن سینۆرێ باژارێ «گرێ سپی» یێ رۆژئاڤا كوردستانێ بۆردۆمان كرن.

چاڤكانیێن پێگه‌ها «داركا مازی» ل رۆژئاڤا كوردستانێ ده‌ست نیشان كرن، ئیرۆ رۆژا پێنجشه‌می 9-4-2020ێ، چه‌ته‌یێن ده‌وله‌تا داگیركار یا تركیێ ب گوللـه‌ تۆپان، ئێریشی گوندێن باژارێ گرێ سپیێ كرن، لێ به‌لێ زه‌لال نه‌بوویه‌ هه‌گه‌ر زرارێن جانی ژ وێ ئێریشێ هاتبن ته‌سبیت كرن.

چاڤكانیێن «داركا مازی» ئه‌شكه‌ره‌ كرن، ئێریشا ئیرۆ گوندێ كور حه‌سه‌ن یێ رۆژئاڤا گرێ سپی هه‌ده‌ف كرییه‌.

ل گۆر نه‌رینگه‌ها سووری یا مافێن مرۆڤان، تۆپهاڤێژێن میلیشیایێن ده‌وله‌تا تركیێ، ل 5ی ڤێ مه‌هێ هه‌ر یه‌ك ژ گوندێن «كوبرله‌ك، عه‌بدی، كوی و ئازادی» ل سینۆرێ گرێ سپیێ ژ ئالیێ باكۆرێ ره‌قایێ ڤه‌ بۆرۆدمان كربوون و ب وێ سه‌ده‌مێ ب ده‌هان مالبات ناچار مان جیێ خوه‌ بهێلن.