به‌رپرسێ پارتییا كاركه‌رێن كوردستانێ په‌كه‌كێ، یێ باژارێ ئه‌رزه‌روومێ یێ باكورێ كوردستانێ، كه‌ت ده‌ست ده‌وله‌تا تركیێ كو د كاته‌گورییا پرته‌قالی یا ده‌وله‌تێ ده داخواز كری بوو.
چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره كرن، رۆژا پێنجشه‌می یا رابووری 9-4-2020ێ به‌رپرسێ په‌كه‌كێ یێ ئه‌زره‌روومێ ب ناڤێ «مه‌حموود ئۆكتای و كۆد ناڤێ خه‌یری ماڤا» ب دیل كه‌ت ده‌ست ده‌وله‌تا تركیێ.
هه‌روه‌ها ده‌ست نیشان كرن، «مه‌حموود ئۆكتای» ل وێ ده‌مێ كه‌ت ده‌ست هێزێن ئه‌وله‌هییا تركیێ، وه‌ختا ئه‌ره‌به‌یا وی ل سه‌ر رێیا باژارێ گمگمێ یێ گرێدای مووشێ هاتیه راوه‌ستاندن.
چاڤكانیێن «داركا مازی» دیار كرنه كو ل به‌را ده‌سته‌سه‌ر كرنا «مه‌حموود ئۆكتای» و ل سینۆرێ باژارێ مووشێ، شه‌ر و په‌ڤچوون روودابوون و ئۆكتای بریندار كه‌تبوو.
ل گۆر مه‌دیایا تركیێ، «مه‌حموود ئۆكتای» د كاته‌گورییا ره‌نگ پرته‌قالی یا ده‌وله‌تا تركیێ ده داخواز كری بوو و هه‌موه‌خت ملیۆن لیره وه‌كه خه‌لاتێ ئه‌شكه‌ره كرنا جیێ وی ژ ئالیێ ده‌وله‌تێ ڤه هاتبوون ده‌ست نیشان كرن.
