یه‌كێتیێ د 29 سالان ده 540 ولاتپارێز راده‌ستی ئیرانێ كرنه
پارتیێن كوردستانی یێن رۆژهلاتا كوردستانێ ئه‌شكه‌ره كرن كو مسته‌فا سه‌لیمی نه یه‌كه‌م ولاتپارێزه ژ ئالیێ یه‌كێتییا نشتیمانی یا كوردستانێ ڤه ب ئیستخباراتا ئیرانێ تێ راده‌ست كرن، به‌لكو د 29 سالێن رابووری ده، نێزی 151 كه‌سان راده‌ست كرنه.
هەژمارا وان ولاتپارێزێن رۆژهلاتێ کوردستانی کو هەر ژ سالا 1991ان هەیا نها ب دەستێ گرۆپەکی د ناڤا یه‌كێتییا نیشتیمانی یا كوردستانێ دە هاتینە رادەست کرن ژ بۆ دەستێ ئیرانێ، یان ژی چاڤساغی ژ بۆ تەرۆر کرنا وان ولاتپارێزان کرییە ل باشوورێ کوردستانێ هەری کێم 151 کەسن، ئەڤ هەژمار ب تەنێ هەژمارا وان کەسانە کو هاتینە تۆمار کرن، هه‌گەر نا بێ شک هەژمارا وان پڕ زێدەترە.
ل گۆرەی بەلگەیێن بەر دەست کو ژ ئالیێ پارتیێن سیاسی یێن رۆژهلاتێ کوردستانێ، د د دەما رابووری دە هاتینە بەلاڤ کرن، دیار دبە کو هەژمارا وان ولات پارێزێن رۆژهلاتێ کوردستانێ کو د ناڤا پارتیێن رۆژهەلات دە ئەندام بوون و خەبات دکر، لێ هاتینە تەرۆر کرن یان رادەست کرن ب ئیرانێ ژ ئالیێ یەنەکێ ڤە دگەهە 540 کەسان.
ئەڤ کەسە ب ئاوایێن جودا هاتینە تەرۆر کرن و رادەست کرن، جاران ب ئانینا هێزێن ئیرانێ ژ بۆ ناڤا خاکا هەرێما باشوور ده، جاران ب ژەهرێ و جاران ژی ب گوللـەیێن راستە راست ئەڤ ولات پارێز هاتینە رادەست کرن و تەرۆر کرن.
بۆ میناک ل سالا 1998ان دە ل ناڤچەیا بازیان، یەنەکێ، ژەهر کر د ناڤا ئاڤا ڤەخوارنا پێشمەرگەیێن پارتا دەمۆکراتا ئیرانی دە و 8 پێشمەرگەیێن رۆژهلات ب ڤی رەنگی شەهید کرن.
