دەما لاوازی دەست پێ دکەت ژ نوو ڤە بیرا په‌كه‌كێ ل دیالۆگ و یه‌كێتییا نەتەوەیی دھێت

چاپەمەنییا په‌كه‌كێ دەما ئێریشا ل سەر رۆژاڤایێ کوردستانێ چێبووی د ناڤا بێدەنگی یەکێ دا بوو، دو سەدەمێن ڤێ بێدەنگیێ ھەبوون، پێش هەر تشتەکێ داکو ھەرێما کوردستانێ بەرانبەری ڤێ داگیرکاریێ بێدەنگ نەمینیت و کەسەکێ وەک مازلووم عەبدی ژی کو ل رێزا ئێکێ دا دهات گۆت: «ئەز سپاسییا سەرۆک مەسعود بارزانی دکەم»، ئەڤێ گۆتنێ ھەڤسەنگییا سیاسی چیکر و نەهێلا وەکە بەرێ چاپەمەنییا په‌كه‌كێ ئێریشێ بکەتە سەر رێڤەبەریا باشوورێ کوردستانێ، لێ ئەڤ ھەلوەستا په‌كه‌كێ یا دەمکی بوو، دەما لاوازی دەست پێ دکەت ژ نوو ڤە بیرا په‌كه‌كێ ل دیالۆگ و یه‌كێتییا نەتەوەیی دھێت.

ب سالانه‌ په‌كه‌كه‌  ئاگاهیێن دره‌و ل ده‌ربارا پێشمه‌رگه‌یێ رۆژ به‌لاڤ دكه‌

په‌كه‌كه‌ د خوازه‌ د مەژیکێ نەتەوه‌یا کورد دا تێگەھا «ھەرێما کوردستان = چەتەیێن ترکانە» بدەنە ئاڤاکرن

لێ ئەڤە چەندین رۆژن چاپەمەنییا په‌كه‌كێ دیسا کەفتییە ناڤا ھێرشەکا دژوار ل دژی حکوومەتا ھەرێما کوردستانێ، تایبەتی ژی ئەو کەسێ ل وەلاتێ لیبیا ھاتییە گرتن ب ناڤێ «شاکر فەرمان بۆنجوک» د راگەھاندنا په‌كه‌كێ ده‌ وەکو «پێشمەرگه‌یێ رۆژ» ھاتە نیشان دان، وەکە ھەر جارێ چاپەمەنییا په‌كه‌كێ خواست ب «کەڤچکەکێ ئاڤێ ژ بابەلیسکێ دەربێخە»، ب سالانە دەربارێ پێشمەرگه‌یێ رۆژ نووچە و ئاگاھییێن درەو بەلاڤ دکەن و دخوازن ڤێ ھێزا نشتمانی، رەش بکەن، تۆھمەتێن پر بێ ئەخلاق دھێنە کرن.

سەر ڤێ چەندێ را ژی دەما کو ڤان درەوێن ب شآخ بەلاڤ دکەن ئالایێ پیرۆزێ کوردستانێ ژی ژبۆ تێگەھەکا شاش بکارن چێبکن ب کار تینن، ب ڤان وێنەیان د خوازن د مەژیکێ نەتەوه‌یا کورد دا تێگەھا ھەرێما کوردستان = چەتەیێن ترکانە بدەنە ئاڤاکرن، هه‌گەر ھوون سەرنجێ بدەنە سەر چاپەمەنییا په‌كه‌كێ چ جاران نووچەیێن دەربارێ سەرکەفنێن ھەرێما کوردستانێ چێناکەت میناک، ھەموو دنیایێ پیرۆزبایی ل رێڤەبەرییا ھەرێما کوردستانێ کر، ژبەر سەرکەفتنا وێ یا ل دژی ڤیرۆسا کۆرۆنایێ، لێ راگەھاندنا په‌كه‌كێ نەخواست ڤێ راستیێ ببینت و باس بکەت، هه‌گه‌ر جارەک ژ جاران بخوازن د نووچەکێ دە ب باشی بەحس لێ بکەن ژی، چ جاران ئالایێ کوردستانێ بکار نائینن.

لێ بەلێ ل سەر بابەتێ وی کەسێ ل لیبیا ھاتیبە گرتن کو ببێژن پێشمەرگه‌یێ رۆژە، د ناڤبەرا ٢٤ دەمژمێران دە ANFێ کاری 3 نووچەیان بەلاڤ بکەت، رۆژەکێ پێش ڤێ مژارێ فەرماندارێ گشتی یێ هه‌سه‌دێ مەزلووم عەبدی ژبەر هاریکارییا ھەرێما کوردستانێ د وارێ تێکۆشینا ل دژی ڤیرۆسا کۆرۆنایێ ژبۆ رۆژئاڤا کری، سپاسیێن خوە ئارەستەیی نێچیرڤان بارزانی کرن، لێ ANFێ، ئەڤ نووچەیا ژبۆ ھەڤگرتنا نەتەوه‌یی گرینگ، نەدیت و پشت گوهـ هاڤێت، لێ مخابن راگەھاندنا دوژمنی AA (ئاژانسا ئانادۆل) ئەڤ نووچە دیت و د مانشەت دە گۆت «PDK ژبۆ رێخستنا تیرۆریستی یا YPG-PKK ژبەر ڤیرۆسا کۆرۆنایێ ھاریکارییا تەندروستی پێشکێش کر»، ل ھەمان دەمێ گۆت: «پاش ئۆپه‌راسیۆنا کانییا ئاشتی یێ، پەیوەندیێن باشوور و رۆژئاڤا پێش کەفتینە». راگەھاندنا PKK هندی راگەھاندنا دوژمنی ژی ئەڤ راستییە نەدیت.

بێ گۆمان د جارەکێ دە ئێریشا چاپەمەنییا په‌كه‌كێ ل سەر حکوومەتا ھەرێما کوردستانێ نە ل سەر خێرێ یە، تو بخوازی نەخوازی گەلەک تشت دھێنە بیرا مرۆڤی، ژ بەر کو ئەڤرۆ بوویەرەکە دن یا سەرنجراکێش دەرکەت، ANFێ د ناڤا رووپەلێن خوە دە دگۆت: «ھەرێما وەرتێ د ناڤبەرا یەنەکێ و پەدەکێ دە کێشە دەرکەتییە»، ئەڤ نووچە د چ مالپەرێن راگەھاندنا باشوورێ کوردستانێ دا نەدھاتە بەحس کرن، ل سەر نووچەیا ANFێ ل دەربارێ بابەتی دا بەردەڤکێ دیپلۆماسییا کەجەکێ داخویانی یەک بەلاڤ کر.

ئەڤ کێشەیا ANFێ نوکە بەحسا وێ دکەت، د مه‌ها ئادارێ دا قەومی بوو، د ناڤبەرا پاسەوانێن ھاتنوچوونێ و ھندەک ئەندامێن ئێکەتیێ کو نەدخواستن ئه‌ره‌به‌یا وان بهێتە تەفتێش کرن، دەرکەت بوو، پشتی ڤێ روودانێ په‌ده‌كه‌ و یه‌نه‌كه‌ ل ھەڤ جڤییان و ل دەربارێ ئەولەھییا ھەرێمێ گەھشت بوون رێکەفتنەکێ، ل گۆر ڤێ رێکكەفتنێ بریار هاتە دان ل ھەرێما زینە-وەرتێ ھێزەکا لەشکری یا سەر ب وەزارەتا پێشمەرگە ڤە کو گرێدایی لیوایا 7 ل وێ ھەرێمێ بهێتە بجیھ کرن.

لێ بەلێ چاپەمەنییا په‌كه‌كێ، د نووچەیەکە خوە یا رۆژا 31ی ئادارێ دە د گۆت: «بجی كرنا ھێزا ھەڤبەش یا په‌ده‌كێ – یه‌نه‌كێ د ھەرێمێ ده‌، پلانا دەولەتا ترکە و ئەڤ نووچە د ھاتە سێرڤس کرن».

 د راستی دە ھەرێمێن زینی – وەرتێ نە دبن کۆنترۆلا ھێزا په‌كه‌كێ دا یە، دكه‌ڤه‌ دووری ھەرێمێن د بن کۆنترۆلا په‌كه‌كێ دا، دوهـ 14ی نیسانێ دیسا چاپەمەنییا په‌كه‌كێ ئەڤ مژار خستە رۆژەڤێ، کۆمیتەیا په‌یوەندیێن دەرڤە یا كه‌جه‌كێ داخویانییەک بەلاڤ کر و تێدە گۆت: «دبە کو شەرەک ل گەل په‌ده‌كێ و په‌نه‌كێ وەرە روودان، لەورا ژی پێویستە ھەر کەس ژ وێ ھەرێمێ خوە ڤەکێشە، دگۆت مە ژ بۆ گەل جڤین چێکرینە، تشتێ ھەری سه‌رنجراکێش ئه‌وبوو كو وان د داخویانییا خوە دە بانگاوازی ژ بۆ گەل و ھوونەرمەندان كر.«

بێ گۆمان ئەڤ نووچەیێن راگەھاندنا په‌كه‌كێ نە بێ قەزییە، چاپەمەنییا په‌كه‌كێ ل گۆر ئه‌جیندایه‌كه‌ سیاسی تەڤ دگەرە، دیار دبە کو په‌كه‌كێ ژ بۆ بھارا 2020ان د بن ناڤێ په‌ده‌كێ دە دخوازە ل دژی حکوومەتا ھەرێما کوردستانێ ھلپشکینەکێ بکە.

 د سالا 2019ان دە ژی ھەر تشت وھا دەست پێ کر بوو، بھێتە بیرا وە چاپەمەنییا په‌كه‌كێ ھەر رۆژ د گۆت: «حکوومەتا ھەرێما کوردستانێ، ل دەربارێ ھەرێمێن پاراستنا میدیا دە ئاگەھییان ددە ترکا و بانگەوازی گەل دکرن، د داویێ دە چ دەرکەت، بوویەرا خوارنگەھا ھۆککابازێ کو 3 کەس تێده‌ ھاتنە کوشتن».

په‌كه‌كه‌ و ئه‌و باسكێ د ناڤا یه‌نه‌كێ ده‌ دخوازن ژ بۆ ھەرێما کوردستانێ ئالۆزی و پەڤچوونێ دەربخن

ڤێ جارێ ژی دیار دبە کو په‌كه‌كه‌ و ئەو باسکێ د ناڤا یه‌نه‌كێ دە لهه‌ڤ كرنه‌ كو دخوازن ژ بۆ ھەرێما کوردستانێ ل دەڤەرێن چیایی دە ئالۆزی و پەڤچوونێ دەربخن.

مه‌زن كرنا كێشه‌یا وه‌رتێ د چاپەمەنییا په‌كه‌كێ دە ب وێ رامانێ تێ فەھم کرن کو په‌كه‌كه‌ ھەول ددە ھەرێمێن خوە مەزن بکە، هه‌ر چه‌ند كو ئه‌و نکارە ل قەندیلی ڤێ یه‌كێ بكه‌، هه‌ر وه‌ها ئارتێشا ترک خواکورک و خنێرە ژ دەست وێ دەرخستنە، بلندیا قەندیلێ ژی د دەست ئارتێشا ئیرانێ دا یە، ژ بۆ په‌كه‌كێ کەندالێن قەندیلی مانە، قەندیل ئێدی نکارە ل گەل بەھدینان په‌یوەندیێن جۆگرافی چێبکە، لەورا ژی دخوازە ھەرێمێن خوە بەر ب باژارێن باشوور ڤە فرەھ بکە.

ھەرێمێن پاراستنا میدیا تەسلیمی ئارتێشا ترک کرن

 ھەرێمێن پاراستنا میدیا تەسلیمی ئارتێشا ترک کرن، نوکە ژی د خوازن ل سەر چیایێ کارۆخ ڤە پرەکێ د ناڤبەرا قەندیلێ و بەھدینان ده‌ چێبکن، ئارمانچ ئەوە کو بریارگەھێن خوە دەرباسی دەڤەرا چۆمان و رەواندزێ بکەن، گرینگییا ھەرێما چۆمانێ نەمژارا ڤێ نڤیسێیە، د رابووری ژی دە ھندەک پلانێن په‌كه‌كێ و یه‌نه‌كێ ل سەر چۆمانێ ھەبوون، دبە کو رۆژەکێ کەسەک ل سەر ڤێ بنڤیسە.

لایەنگر و ئەندامێن په‌كه‌كێ دێ بانگه‌شا ده‌ستپێكرنا «سەرھلدانا وەرتێ» كه‌ن

دیار دبە کو په‌كه‌كێ ل سەر دەڤەرا چۆمانێ دگەل وی باسکێ د ناڤا یه‌نه‌كێ دە پێکھاتنە، ژ بەر وێ ژی دخوازن ھەمبەر حکوومەتا ھەرێمێ گەل تەحریک بکەن و ئالۆزییان دورست بکەن، ل سالا دەرباسبوویی ئەو مەشا پارلەمانێن حکوومەتا ھەرێمێ کری بکەنە مولکێ خوە، وەکە شێلادزێ کو د راستیێ دە نەسەرھلدان بوو كو په‌كه‌كه‌ وەکە دەسکەفت ژ بۆ خوە پرۆپاگەن دە بکەن، بانگاوازییا كۆمیته‌یا په‌یوەندیێن دەرڤە یا كه‌جه‌كێ ژ بۆ رەوشەنبیر و گەل کری، ب ڤێ ئارمانجێ یە، ل دەمەکێ نێزیک دە ھندەک لایەنگر و ئەندامێن په‌كه‌كێ د بن ناڤێ «سەرھلدانا وەرتێ» دێ بخوازن پێڤاژۆ بدەن دەست پێ کرن.

بەلێ ل ڤان دو سێ رۆژێن داویێ چاپەمەنییا په‌كه‌كێ دەست ب شەرەکی پرۆپاگەندێ ل دژی ھەرێما کوردستانێ کرییە، زمانەکە دژمنی ب کار تینە، ھەولدانێن وان یێن زەخت ل سەر حکوومەتێ چێکرن دیار دکە کو په‌كه‌كێ ھەیا شەرەکە چه‌کداری ژی دایە بەر چاڤێ خوە.

گه‌لێ كورد شیار بوویه‌ ژ وان درەو و گۆتگۆتکێن په‌كه‌كێ باوەر ناکن

پێویستە گەلێ کوردستانێ ھەمبەر ڤێ پێڤاژۆیێ پر ھشیار بە، چاپەمەنییا په‌كه‌كێ دێ ھەردەم نووچەیێن چاڤکانییا وان نەدیار سێرڤێس بکە، ھەموو کوردستانی ھشیار بن، بلا په‌كه‌كه‌ باش بزانە کو گەلێ ھەرێمێ ژ وان درەو و گۆتگۆتکێن وان باوەر ناکن و د ھەر بابەتی دە دکارن بەرسڤا ڤان بدەن، کورد ھشیار دبن، بەرسڤ ددن، لێپرسین دکن و ژ ڤان درەو فرۆشان و پرۆپاگەندێن پارتیزانی ھیچ باوەر ناکن، گەر زێدە گاڤییەکێ ژی ببینن ئەو دکارن ڤێ راوەستینن.