پارتییا كاركه‌رێن كوردستانێ په‌كه‌كێ، 3 گه‌ریلایێن دن ل باشوورێ كوردستانێ ژ ده‌ست دان، وه‌ختا كو كه‌تنه به‌ر ئێریشێن باله‌فرێن جه‌نگێ.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ژ دوهـ هه‌یا ئیرۆ رۆژا یه‌كشه‌می 19/4/2020ێ، باله‌فرێن ده‌وله‌تا داگیركار یا تركیێ، ل ناڤچه‌یێن «ئاڤا شین و باسیان»، چه‌ندین جاران حه‌ره‌كه‌تێن په‌كه‌كێ هه‌ده‌ف كرنه.
ده‌ست نیشان كرن، ل «ئاڤاشینێ» 3 گه‌ریلا كه‌تن به‌ر ئێریشێن باله‌فران و جانێ خوه ووندا كرن، زرارێن ئێریشا ل «باسیانێ» ژی نه‌زه‌لالن.
ژ ده‌ستپێكا ڤێ مه‌هێ ڤه، ده‌وله‌تا تركیێ ئێریشێن ل سه‌ر پارتییا كاركه‌رێن كوردستانێ په‌كه‌كێ، ل باشوورێ ولات دژوار كرنه و ته‌ڤی كو هه‌ژماره‌كه گه‌ریلایان د ڤێ مه‌هێ ده هاتنه هه‌ده‌ف كرن، 4 فه‌رماندارێن په‌كه‌كێ ژی د ئێریشان ده جانێ خوه ووندا كرنه.
