ئارته‌شا ده‌وله‌تا داگیركار یا تركیێ، ئیرۆ ل ناڤچه‌یا خواكوركی یا باشوورێ كوردستانێ ب سه‌ر جیه‌كێ ڤه‌شارتی یێ په‌كه‌كێ ده گرت كو هنه‌ك چه‌ك و ته‌قه‌مه‌نی تێده بوون.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا یه‌كشه‌می 19/4/2020ێ ئارته‌شا تركیێ ل ناڤچه‌یا خواكوركی كه‌تن د جیه‌كێ ڤه‌شارتی یێ په‌كه‌كێ ده و ده‌ست ب سه‌ر هه‌ژماره‌كه چه‌كان، ته‌قه‌مه‌نی و دوكیۆمه‌نتان تێده گرتن.
ل گۆر پێزانیان چه‌كێن كو ده‌ست ب سه‌ر ده هاتنه گرتن، ژ هه‌ژماره‌كه بی كه‌ی سی، یه‌ك ئارمانج شكێن، یه‌ك تۆپهاڤێژا هاون و هه‌روه‌ها 28 تۆپهاڤێژێن سه‌رمل و هنه‌ك پارچه چه‌كێن سڤك و ته‌قه‌مه‌نیان پێكهاتبوون.
پارتییا كاركه‌رێن كوردستانێ په‌كه‌كێ ژ سالا 2016ێ هه‌یا نها ته‌ڤ هه‌رێمێ ب ناڤێ «پاراستنا مه‌دیا» هێدی هێدی یا راده‌ستی ده‌وله‌تا تركیێ دكه و نكاریت ت به‌رگرییه‌كێ ژێ بكه، وان ده‌ما 30 سالان ل چیایێ شه‌كیف یێ ناڤچه‌یا خواكوركی جی دگرتن، لێ به‌لێ ل گه‌ل ده‌ست پێ كرنا ئۆپه‌راسیۆنا تركیێ كو ناڤێ په‌نجكێ لێ كرنه، د 3 رۆژان ده راده‌ستی سپایێ تركیێ كر و ئه‌ڤ بوو جارا یه‌كه‌مین د 100 سالێن دیرۆكا گه‌لێ كورد ده ئه‌ڤ چیا تێ داگیر كرن.
