د ئێریشه‌كا هرچێ ده ل پارێزگه‌هییا جۆله‌مێرگێ یا باكورێ كوردستانێ، 50 په‌ز هاتنه كوشتن، هرچێ بانێ كوتانێ كون كر و تێده ده‌ربازی ژوورێ بوویه.
ل گوندێ كایماكلیێ یێ گرێدای پارێزگه‌هییا جۆله‌مێرگێ، ئیرۆ رۆژا یه‌كشه‌می 19/4/2020ێ هرچێ ئێریشی یه‌ك ژ كۆتانێن په‌زی كرییه و پێتر ژ 50 بزن و میهان تێده كوشتنه، هرچێ بانێ كۆتانێ كون كرییه و پشتره ده‌رباس ژوور بوویه و ئه‌ڤ قه‌تلعامه پێكئینایه.
خوه‌دیێ وی په‌زی ئه‌شكه‌ره كرییه كو ژ بلی كوشتنا پێتری 50 په‌زان، هرچێ هه‌ژماره‌كه دن ژی بریندار كرنه.
هه‌روه‌ها دبێژه: هرچێ شه‌ڤێ دن ئێریش كرییه، لێ به‌لێ وان سه‌رێ سبه‌هێ زانیه كو ئه‌ڤ كاره‌سات ب وان ره قه‌ومییه.
خوه‌دیێ په‌ز هه‌روه‌ها ده‌ست نیشان كر كو پاش بوویه‌رێ هرچێ ده‌ریێ كۆتانێ شكاندییه و ره‌ڤیاییه.
