به‌رپرسیاره‌كێ دن یێ په‌كه‌كێ، ئیرۆ ل باكورێ كوردستانێ خوه راده‌ستی ده‌وله‌تا تركیێ كر و ژ بۆ زیندانێ هات ڤه‌گوهاستن.
چاڤكانیێن پێگه‌ها «داركا مازی» ل باكۆرێ كوردستانێ ئه‌شكه‌ره كرن، ئیرۆ رۆژا یه‌كشه‌می 19/4/2020ان، به‌رپرسیارێ په‌كه‌كێ یێ ب ناڤێ عه‌بدولره‌حمان كایهان و ب كۆد ناڤێ «ئاندۆك»، ل سینۆرێ پارێزگه‌هییا مێردینێ، خوه راده‌ستی هێزێن ئارته‌شا تركیێ كر.
ئاندۆك به‌رییا 5 سالان ته‌ڤلی په‌كه‌كێ بوویه، ل رۆژێن رابووری ژ چیایی به‌رێ خوه دابوو رۆژئاڤا كوردستانێ و پشتره خوه ده‌ربازی باكورێ وه‌لات كر و ل سینۆرێ مێردینێ خوه راده‌ست كر.
ل ڤێ ده‌ربارێ ده، مه‌دیایا تركیێ ده‌ست نیشان كر كو ژ ده‌ستپێكا سالا 2020ان، 71 گه‌ریلایێن په‌كه‌كێ خوه راده‌ست كرنه.
