بەرەڤاژی کرنا راستییان ژ ئالیێ پەکەکێ ڤە بەردەوامە

بەرەڤاژی کرنا راستییان ژ ئالیێ پەکەکێ ڤە بەردەوامە

دیسان وەکە کارێ خوە یێ هەرتم، پەکەکە رابوویە ب بەرەڤاژی کرنا بوویەر و روودانان و دخوازە ب ڤێ یه‌كێ روویێ خوە یێ راستین ڤەشێرە و کارێن خوە یێن قرێژ ل بەر چاڤێن گەلێ کوردستانێ ب چه‌نه‌ و روویەک جوان ب وان کارێن خوە بدەت، پەکەکە ئەڤ نەجارا یەکەمین و داویێ یە ڤی کاری ئەنجام د دەت، بەلکو ئەو وێ بەردەوام بیت ل سەر ڤی کاری ژ بەر کو ستراتەژسیا وێ ل سەر ڤێ سیاسەتێ هاتییە ئاڤا کرن.

وەکە کارێ خوە یێ بەردەوام ژ بۆ بەرەڤاژی کرنا روودانان، پەکەکە ئەڤ جارە رابوویە ب بەلاڤکرنا ڤیدیۆیا سەرەدانا مەسعوود بارزانی سه‌رۆكێ باشوورێ كوردستانێ یێ خولا به‌رێ ژ بۆ کەمپا مەخموورێ کو ئەڤ ڤیدیۆ ئا سالا 2014انه‌ و ل وێ دەمێ مەسعوود بارزانی سەرۆکێ باشوورێ کوردستانێ بوو، یا راست بارزانی، ل وێ دەمێ سەرەدانا هەموو ئەنیێن شەر ل باشوورێ کوردستانێ کربوو ژ بۆ كو مورالا پێشمەرگە و گەل بلند ببە، ژ بەر کو ل وێ دەمی داعشێ ئیریشەک مەزن ئانیبوو سەر هەموو باشوورێ کوردستانی.

سه‌ره‌دانا بارزانی یا مەخموورێ ژ بۆ دو ئامانجان بوو

په‌كه‌كێ دخوه‌ست ب ئالیكارییا ئیرانێ مه‌خموورێ وه‌كه‌ قه‌ندیلی بكه‌ته‌ ناڤچه‌یه‌كه‌ سه‌ربازی

د ڤیدیۆیا هاتییە بەلاڤ کرنێ دە ب تەنێ یەک تشت راستە ئەو ژی سەرەدانا بارزانی ژ بۆ مەخموورێ یە، لێ بەلێ یا دن کو پەکەکە تێدە دبێژە بارزانی ژ بۆ کو داخوازا ئالیکاریێ ژ پەکەکێ بکە ل دژی داعشێ، هەر وەها ژ بۆ کو رێکكەفتنەک ستراتەژی د گەل پەکەکێ گرێ بدەت، ژ بۆ پاراستنا باشوور ژ ئێریشا داعشێ، ئەڤ یەک ب ت ئاوایان راست نینە، ئەمێ ڤێ نه‌راستییا په‌كه‌كێ د ڤێ نڤیسینێ دە ئەشکەرە بکین کو مەبەستا سەرۆک بارزانی ژ سەرەدانا مەخموورێ ژ بۆ دو مەبەستان بوو.

یەکەم: بارزانی دخوەست گەریلا و گەلێ مەخموورێ پشت راست بکە کو حکوومەتا هەرێمێ و پێشمەرگە ب ت ئاوا وان ب تەنێ ناهێلن و وێ شەرێ داعشان بکن، هەروەک چەندین شەهید د ڤێ رێیێ دە پێشمەرگەیان ل مەخموورێ داین.

دووەم: سەدەما دووه‌مین ژ چوونا بارزانی ژ بۆ مەخموورێ ئەڤ بوو کو زانیاریێن 100٪ پشت راست کری هەبوون کو پەکەکە دخوازە ب ئالیکارییا ئیرانێ و ب بەهانەیا ئێریشا داعشێ ل سەر مەخموورێ، ئیرانێ بینە مەخموورێ و مەخموورێ بکه‌ته‌ ناڤچەیەکه‌ سەربازی وەکە چیایێ قەندیلێ.

بارزانی ل سالا 2014ێ ب ئه‌شكه‌ره‌ گۆته په‌كه‌كێ كو باشوورێ كوردستانێ ب ت ئاوا قه‌بوول ناكه‌ ب به‌هانه‌یا داعشێ مه‌خموور بكه‌ڤه‌ ده‌ست ئیرانێ‌

بارزانی ب سەرەدانا گەریلایان ل مەخموورێ هەم پشت راستی دا وان کو وێ ئالیکارییا وان وەرە کرن ژ ئالیێ هکوومەتا باشوورێ کوردستانێ ڤە، هەم ژی ئەو هایدار کرن کو ب ت ئاوا رێ نادن ب بەهانەیا هەبوونا داعشێ مەخموورێ بدن دەست ئیرانێ و بکن ناڤچەیەک سەربازی، بارزانی ب پەکەکێ رە راگهاند کو وێ هەموو جوره‌ ئالیکارییەکێ پێشکێشی گەریلایان بکە و پێویستی ب ئالیکارییا ت ولاتێن داگیرکارێن کوردستانێ نینە ڤی کاری ئەنجام بدن، ژ بەر کو ل داویێ ئەڤ ولات وێ وەکە هەرجار ل دژی گەلێ کورد تەڤ بگەرن.

پەکەکە وەکە سیاسەتا خوە یا هەموو جاران دخوازە دو ئارمانجان ب رێیا گەلێ مەخموورێ بدەست بخە، یەک ژ وان ئارمانجان ئەڤە کو هەست و سۆزێن گەل ژ بۆ خوە راکێشە، لەوما جاران دیمەنێن شەر دخە پێش چاڤێن گەل، د دەمەکێ دە کو ڤان دیمەنان ت پەیوەندییەک ب مەخموورێ و سالا 2014ان ڤه‌ نینە.

 ئارمانجا دووه‌مین ئەڤە کو ب ترکیێ رە ئیسبات بکن كو مەخموور جییەک سەربازی یە و بنگەهەکە گەریلایانە داکو بالەفرێن جەنگ یێن ترکیێ وەرن و مەخموورێ بۆردۆمان بکن، پاشان پەکەکە ژی بازرگانیێ ب خوینا شەهیدان بکن و ژ بۆ بەرژەوەندیێن خوە یێن حیزبی و زێدەکرنا هه‌ژموونا خوە بکار بینن، هەر وەک داوی بۆردۆمان کو تێدە 3 ژن بوونە قوربانی و پەکەکێ بازرگانی ب خوینا وان ژنان کری، ئەڤ سیاسەتا راستەقینە یا پەکەکێ یە کو بەرهەڤە نیڤا کوردان بکە قوربانی، ب تەنێ داکو بکارە پێگەها خوە بهێز بکە و ئارمانجێن خوە یێن حیزبی کو وەکە ئارمانجێن ترکیێ نە، بجی بکت.

په‌كه‌كه‌ باش فام دكه‌ كو ئەو رایەدارێن وێ كو بارزانی سه‌ردانا وان كری ل وێ ئاستێ نه‌بوون كو رێككه‌فتنه‌ك ب وان وه‌ره‌ ئیمزه‌ كرن

د بەشەکە دن ئا ڤێ ڤیدیۆ یێ دە کو ژ ئالیێ ئاژانسا ANHA یا پەکەکێ ڤە هاتییە بەلاڤ کرن، تێ گۆتن کو د هەڤدیتنا سەرۆک بارزانی ب گەریلایان رە، رێکكەفتنەک ستراتەژی هاتییە ئیمزە کرن! لێ گەلۆ کیژان خوەدی ئاقلەک ساخلەم ڤێ یەکێ باوەر دکە؟! چاوان دبە سەرۆکێ هەرێمەکێ دگەل هێزەکە چەکدار رێکكەفتنەک ستراتەژی ل جیەکە وەها دە ئیمزه‌ بکە؟! گەلۆ قەی ئەو رایەدارێن گەریلایان د وێ ئاستێ دە بوون کو رێکكەفتنەک ستراتەژی دگەل وان دە وەرە ئیمزە کرن؟! گەلۆ ئیمزەکرنا رێکەفتنەک ستراتەژی ب وی شێوە و د ژوورەکە 3 مەتری دە قەی بەرئاقلە؟! گەر مەسعوود بارزانی ل وێ دەمێ سەرۆکێ هەرێما باشوور ژی نەبا و سەرۆکێ مەزنترین پارتییا سیاسی یا کوردی ژی نەبایە ما قەی بەرئاقلە د رەوشەک وەها دە رێکكەفتنەک ستراتەژی ئیمزە بکە؟! ئەڤ پرسە و ب دەهان پرسێن دن هەنە کو ب زەلالی دیار دکن كو پەکەکە د ڤێ ڤیدیۆیێ دە دبێژە درەوە و دوورە ژ راستیی.

په‌كه‌كێ د وێ هه‌ڤدیتنێ ده‌ داخوازا چه‌كان ژ بارزانی كر

داکو ئەم ڤێ ئاخافتنا خوە ژ خواندەڤانێن خوە رە ئیسبات بکین، ئەم داخواز دکین ب باشی ل دەقیقەیا 2:55 بنێرن و باش گوهداری بکن

د ڤیدیۆیا کو پەکەکێ ب خوە د مەدیایێن خوە دە بەلاڤ کری ب زەلالی دیار دبە کو گەریلایان داخواز ژ سەرۆک بارزانی کرییە چەکان ب وان رە بدن داکو ئەم ڤێ ئاخافتنا خوە ژ خواندەڤانێن خوە رە ئیسبات بکین، ئەم داخواز دکین ب باشی ل دەقیقەیا 2:55 بنێرن و باش گوهداری بکن دەما سەرۆک بارزانی ژ گەریلایان دپرسە هوون دزانن چەکێ SPG کو چەکەک دژە تانکە بکار بینن؟! ئەڤ ب خوە بەلگەیەک روهنە کو بارزانی ژ بۆ پێشکێشکرنا ئالیکارییان چوویە جەم گەریلایان، تەمامەن بەرەڤاژی وێ یەکێ یه‌ کو پەکەکە دبێژە بارزانی ژ بۆ داخواز کرنا ئالیکارییان و پاراستنا باشوور چوویە جەم گەریلایان.

ل باشوورێ وەلات د شەرێ دژی تەرۆریستێن داعشێ دە، پەکەکێ هیچ رۆلەک ستراتەژی نەبوویە، بەلکو هەرتم بوویە رێگر ل همبەر ئۆپەراسیۆنێن پێشمەرگەیان ژ بۆ رزگار کرنا ناڤچەیێن ژ ئالیێ داعشێ ڤە هاتنە داگیر کرن، میناک ژی ل سەر ڤێ یەکێ پڕ زۆرن وەکە وێ یاکو پەکەکێ ل شه‌نگالێ و مەخموورێ و کەرکووکێ ئەنجام دای و هەرتم ئالۆزی ژ بۆ پێشمەرگەیان دروست کری.

ل 16 ئۆكتۆبه‌رێ و ژ بۆ راده‌ست كرنا كه‌ركووكێ په‌كه‌كه‌ پێش یه‌نه‌كێ كه‌تبوو

 هەر د ڤی ڤیدیۆیێ دە پەکەک هنەک دیمەنان بەرچاڤ دکە کو هنەک گەریلا ژ بۆ شەر دچن مەخموورێ، لی بەلێ ئەڤ یەک ژی درەڤە ژ بەر کو ئەو دیمەن یێن پێش 16ێ ئۆکتۆبەرا سالا 2017ان بوو دەما ژ بۆ ئەنیێن کەرکووکی دچوون، لی بەلێ یەک گوللـه‌ ژی ل دژی ئیراقێ نەتەقاند، هەرچەند کو هەرتم د مەدیایێن خوە دە وەها نیشان ددە کو گەریلا هێزا پاراستنا گەل و هەرچار پارچێن کوردستانێ یە، لی بەلێ د بوویەرێن کەرکووکێ دە پەکەکە پێش یەنەکێ ژی کەت ژ بۆ رادەست کرنا کەرکووکی ب ئیراقێ، ئەڤ یەک ژی بێ سەدەم نەبوویە ژ بەر کو پەکەکە هەیا نها ژی چەک و پەرەیان ژ حکوومەتا ئیراقێ دستینە و ل ژیر فەرمانا وان دا یە هەلبەت ئەڤ یەک ژی ب فەرمانا راستە راست یا ئیرانێ هاتییە ئەنجام دان.

د ئێریشا سه‌ر مه‌خموورێ ده‌، بارزانی خوه‌ لیوایێن زێره‌ڤانێن خوه‌ ژی ژ بۆ به‌رگریێ ژ وی باژاری شاندنه‌ شه‌ر

د ئێریشا چەکدارێن داعشێ ل سەر باژارێ مەخموورێ دە، حکوومەتا باشوورێ کوردستانێ ب گشتی و ب تایبەتی بارزانی هەموو هێزێن چەکدار ژ بۆ پاراستنا ڤی باژاری شاندن، ژ بەر کو ئەڤ باژار باژارەک ستراتەژی یە ژ ئالیێ جیۆپۆلەتیک، ب ئاوایەک وەها کو لیوایێن زێرەڤانێن تایبەت یێن مەسعوود بارزانی و نێچیرڤان بارزانی ژی ل ئەنیا مەخموورێ د شەرەک سەخت دە بوون ژ بۆ پاراستنا ڤی باژاری.

ژ ئالیەک دن UNێ چەندین جاران هۆشداری داینە پەکەکێ کو خوە ژ ب سەربازی کرنا مەخموورێ ب دوور بگرە، تاکو سەر و مولک و جانێ گەلێ مەخموورێ نەکەڤە خەتەرەیێ، لێ بەلێ دیسان بێ گوهدان ب ت یاسا و پرەنسیپەک ناڤدەولەتی، پەکەکە بەردەوامە ل سەر کارێ خوە و دخوازە مەخموورێ بکە ناڤچەیەک سەربازی و گەلێ مەخموورێ ژ خوە رە وەکە مەرتالەک زیندی بکاربینە و پاشان بازرگانیێ ب خوینا گەلێ مەخموورێ بکە.

ل داویێ ئەم دخوازین هەر کەس ب مەنتق و ئەقل ل ڤێ ڤیدیۆیا کو ژ ئالیێ مەدیایێن پەکەکێ ڤە هاتییە بەلاڤ کرن بنێرە و بریار بدەت گەلۆ سەرۆک بارزانی ژ بۆ داخواز کرنا ئالیکاریێ چوویە جەم گەریلایان، یان ژی ژ بۆ پێشکێشکرنا ئالیکاریان؟!