د ڤێ هه‌فتیێ ده‌ ئیرانێ 4 كورد بدارڤه‌كرنه‌

د ڤێ هه‌فتیێ ده‌ ئیرانێ 4 كورد بدارڤه‌كرنه‌

كۆمارا ئیسلامی یا ئیرانێ، ئیرۆ گه‌نجه‌كێ كورد بدارڤه‌كر و ب وێ یه‌كێ هه‌ژمارا كوردێن كو د ڤێ هه‌فتیێ ده‌ هاتنه‌ بدارڤه‌كرن، گهشتن 4 كه‌سان.

رێخستنا هه‌نگاو یا مافێن مرۆڤان یا رۆژهلاتا كوردستانێ ئه‌شكه‌ره‌ كر، ئیرۆ رۆژا پێنجشه‌می 23/4/2020ێ، گه‌نجه‌كێ كورد ب ناڤێ «سینا محه‌مه‌دی» كو ته‌مه‌ن 26 ساله‌، ل زیندانا ناڤه‌ندییا پارێزگه‌ها سنه‌ هات بدارڤه‌كرن.

رێخستنا هه‌نگاو ده‌ست نیشان كر كو ئه‌ڤ دبه‌ چاره‌مین گه‌نج د ڤێ هه‌فتیێ ده‌ ژ ئالیێ ده‌ستهلاتا ئیرانێ ڤه‌ ل زیندانێن کرماشان، سنە و سەقزێ تێن بدارڤه‌كرن.

كۆمارا ئیسلامییا ئیرانێ، ژ وان ولاتانه‌ كو د بجی كرنا جه‌زایێ بدارڤه‌كرنێ ده‌ ل پێشیێ تێ و كۆمسیۆنا مافێن مرۆڤان یا نه‌ته‌وه‌یێن یه‌كبوویی دبێژه،‌ د ئیسالێ ده‌ بدارڤه‌كرن ل ئیرانێ به‌ر ب زێده‌هیێ چوویه‌.