ئیرۆ رۆژا دوشەمی 27/4/2020ان چاڤکانیێن چاپەمەنی یێن لۆکالی ل سووریێ راگهاند كو بالەفرێن جەنگ یێن ئسرائیلێ، ئێریشی ستارگەهێن سپایێ پاسدارێن ئیرانێ و حزبوللا ئا لبنانێ ل سووریێ کرن و هەژمارەک ژ چەکدارێن ڤان هێزان کوشتن و بەرتەرەف کرن.
ل گۆرەی راپۆرا نه‌رینگه‌ها مافێن مرۆڤان یا سووری، د ڤێ ئێریشا ئاسیمانی دە هەری کێم 4 چەکدارێن ئیرانی و هەژمارەک ژ هێزێن سووری هاتینە کوشتن و بەرتەرەف کرن.
مەدیایێن دەولەتا سووریێ هەڤدەم دگەل تەکەز کرنا ڤێ ئێریشێ ده راگهاند کو سیستەما دژە ئێریشێن ئاسیمانی یا سووریێ، بالەفرێن ئسرائیلی ناچار کرینە سینۆرێ ئاسیمانی یێ سووریێ ب جی بهێلن و بچن.
نەرینگەها مافێن مرۆڤان ل سووریێ هەروەها راگهاند، ئسرائیلێ ئێریش کریە سەر ستارگەهێن سپایێ پاسدارێن ئیرانێ و ستارگەها وان کو سەر ب ناڤەندا لەشکری یا ملیسێن چەکدار یێن سەر ب تەهرانێ ڤە یە ل باشوورێ دیمەشقێ، ب تەمامی ژناڤ برییە.
ل گۆر نەرینگەها مافێن مرۆڤان ل سووریێ، د ڤێ ئێریشا ئاسیمانی یا ئیسرائیلێ دە 4 فەرماندارێن سپایێ پاسداران و هەژمارەک ژ رایەدارێن حزبوللا یا لبنانی و چەند کەسەک ژ چەکدارێن ملیسێن سەر ب سپایێ قودسێ ڤە هاتینە کوشتن.
ژ ئالییەک دن ڤه، مەدیایێن سەر ب رەژیما سووریێ ڤه راگهاند کو د ڤێ ئێریشێ دە 3 کەسێن سڤیل هاتنە کوشتن.
