ئیرۆ رۆژا سێشەمی 28ی نیسانا 2020ان، دو تەقینێن خوە کوژی ل بەر دەریێ بارەگەها هه‌والگیرییا ئیراقێ ل باژارێ کەرکووکی روودان.
ل گۆرەی مەدیایێن ئیراقی، دو خوەکوژان خوە گهاندیە نیزی دەریێ بارەگەها هەوالگیرییا ئیراقێ ل تاخا قادسییە ل باژارێ کەرکووکی و ئێریش کرییە سەر ڤی بارەگەهی و هەر ل وێ دەرێ خوە تەقاندینە.
ژ ئالیێ خوە ڤە ژێدەرەکی ئەولەکاریێ ل ئیراقێ راگھاند، ھێزێن ئەولەکاریێ ئەو ھەر دو خوەکوژ بەری کو بگھن ئاڤاھییا رێڤەبەرییا ھەوالگیریێ کوشتن.
ل گۆر وی ژێدەری، ژ ئەنجاما ھەر دو تەقینان، ھەژمارەک ژ ئەندامێن ھێزێن ئەولەکاریێ بریندار بوون.
