ل ئەفرینێ تەقینەکە بھێز روو دا.. کوشتی و بریندار ھەنە
تەقینەک ل ناڤ بازارا باژارێ ئەفرینێ یێ رۆژاڤایێ کوردستانێ، کو نھا د بن کۆنترۆلا ھێزێن ترکیێ و کۆمێن چەکدار دەیە، چێبوو و ل گۆر زانیاریێن دەستپێکێ، گەلەک کوشتی و بریندار ھەنە.
چاڤکانیێن دارکا مازی ل رۆژئاڤا کوردستانێ ئەشکەرە کرن، تەقین ل ناڤ بازارا ئەفرینێ و ل سەر رێیا راجۆ چێبوویە و ب سەدەما ڤێ تەقینا ب هێز دەھان کوشتی و بریندار ھەنە هەروەها د ڤێ تەقینێ دە ئاگر ب چەند ئۆتۆمۆبیلان کەتیە.
چاڤکانیێن دارکا مازی ھەروھا ئەشکەرە کرن، ھەژمارەک ئامبولانس گھیشتن جھێ تەقینێ و بریندارێن کو بەشەکە زێدە یا لاشێن وان شەوتییە راکرن نەخوەشخانەیان.
ل گۆر زانیاریێن دەستپێکێ، ٤ کەسان جانێ خوە ژ دەست دانە و هەیا نها ت ئالیەکێ بەرپرسیاریا تەقینێ ل خوە نەگرتیە.
ژ بەر بھێزبوونا تەقینێ و ژ بەر کو ل ناڤا باژێر روو دایە، تێ پێشبینیکرن ھەژمارا قوربانیا زێدە ببە.
ئەفرین ژ رۆژا ١٨ ئادارا سالا ٢٠١٨ ڤە د بن کۆنترۆلا ئارتێشا ترکیێ و کۆمێن چەکدارێن سووری دەیە. ھەروھا ترکیێ ژی والیەکی خوە دانیە ئەفرینێ و وێ ھەرێما رۆژاڤایێ کوردستانێ برێڤە دبە.
رۆژانە زلم و زۆرداریەکە مەزن ژ ئالیێ ترکیێ و جەکدارێن میلیشیا یێن سەر ب وێ ڤە ل خەلکێ رەسەنێ ئەفرینێ کو کوردن تێ کرن و مافێن وان تێنە بنپێکر.
