سازییا ئیستخباراتا ده‌وله‌تا داگیركار یا تركیێ میتێ پاش ته‌قینا خوه‌كوژییا سێشه‌مییا رابووری، هه‌موو ده‌ریێن عه‌فرینێ داخستن.
چاڤكانیێن پێگه‌ها «داركا مازی» ل رۆژئاڤا كوردستانێ ئیرۆ رۆژا پێنجشه‌می 30/4/2020ێ ئه‌شكه‌ره كرن كو سازییا ئیستخباراتا تركیێ (میتێ) ده‌ما 2 رۆژانه هه‌موو ده‌ریێن هه‌رێما عه‌فرینێ گرتنه و رێ ناده هاتنوچوون بێ كرن.
ئه‌ڤ هه‌نگاڤا تركیێ پاش دو رۆژان ژ وێ كریارا خوه‌كوژی تێ كو ب سه‌ده‌ما وێ پێتری 100 كه‌سان هاتبوون كوشتن و بریندار كرن.
ل ڤێ ده‌ربارێ ده نه‌رینگه‌ها سووری یا مافێن مرۆڤان ئه‌شكه‌ره كر كو هه‌یا نها ناسنامه‌یا هه‌ژماره‌كه هه‌ری زۆر یا قوربانیێن ته‌قینا عه‌فرینێ نه‌هاتییه زانین.
ته‌قینا ئێڤارا سێشه‌مییا رابووری ب مه‌زنترین كریارا ته‌رۆریستی پاش داگیركرنا عه‌فرینێ ژ ئالیێ ده‌وله‌تا تركیێ ڤه ل وێ هه‌رێما رۆژئاڤا تێ حه‌ساب كرن.
