فەرماندارێ ھەشدا شەعبی ل ئەنییا کەرکووکێ راگھاند، مە ھەژمارەک ژ سەرکردەیێن داعشێ ل باژارێ کەرکووکێ دەستەسەر کرن.
ئەبۆ رزا ئەلنەجار، بەرپرسێ ئەنیا کەرکووکی د کۆنفەرانسەک مەدیایی دە راگهاند، لڤ و تەڤگەرێن داعشێ ل دەما رابووری ل دەردوورێن باژاری کەرکووکێ و نەینەوایێ زیدەتر بوونە و چەکێن د دەست وان دە ژی چەکێن پێشکەفتی ترن ژ چەکێن پێش نها.
ئەلنەجار هەر وەها راگهاند، لێ بەلی داعشێ شیان و هیزا پێویست ژ بۆ داگیرکرنا کەرکووکی و نەینەوایێ نینە و هێزێن حەشدا شەعبی وێ رێ ل وان گرن، هێزێن مە داعش دوورپێچ کرینە و وێ هەموویان ژناڤ ببە.
تێ زانین کو ئەڤ بۆ دەما جەند مەهانە لڤ و تەڤگەرێن داعشێ ل ناڤا خاکا ئیراقێ دە ب تایبەتی ل دەردوورێن باژارێ کەکووکێ پڕ زێدە بوونە و هێریشێن نەچاڤەرێ کری ئەنجام ددەت، ئەڤ ئێریش بارا پێتر ل شەڤێ دە تێن ئەنجام دایین و هەیا نها زیانەک مەزن ب حەشدا شەعبی و هکوومەتا ئیراقێ گهاندینە.
