ل گوندێ سیاڤانێ یێ گرێدایی ناڤچەیا رێیا ئارمووشێ ھەژمارا کەسێن تووشی کۆرۆنایێ بووی گهشتن ٧٥ان، ب ڤان نەخوەشان ھەژمارا کەسێن ل وانێ تووشی کۆرۆنایێ بووی دەرکەت ٣٦٢ کەسان.
ل گۆرەی چاڤکانیێن مەدیایی ل گوندێ سیاڤانێ گرێدایی ناڤچەیا رێیا ئارمووشێ یا وانێ ژ بەر ڤیرووسا کۆرۆنایێ (کۆڤید-١٩) د ٥ێ گولانێ دە سەپانا کارانتینایێ پێک ھات، لێ ژبەرکو ل ڤی گوندی تەڤدیرێن ل دژی ڤیرووسێ ھاتنە پشتگوھکرن و تازی ھاتیە دانان و خەلکێ گوند ل تازیێ ئامادە بوونە، موختارێ گوندێ ناڤبری “مەھمەت نووری یۆنتەن” ژ وەزیفەیا وی ھاتیە دەرکرن.
هەروەها هات راگهاندن کو ژ بۆ کەسێن بەشداری تازیێ بووی تەستا تەسپیتێ ھاتبوو دەستپێکرن و د ئەنجاما وان تەستان دە ھات زانین کو ھەژمارا کەسێن ب کۆرۆنایێ کەتنە گھیشتیە ٧٥ کەسان، ب ڤان نەخوەشان رە ھەژمارا کەسێن ل وانێ ب کۆرۆنایێ کەتنە دەرکەت ٣٦٢ کەسان.
