سەرنڤیسەرێ مالپەرا «كوردستان پۆست» ب کۆرۆنایێ مر و په‌ژاک خەمگینە

سەرنڤیسەرێ مالپەرا «كوردستان پۆست» ب کۆرۆنایێ مر و په‌ژاک خەمگینە

پاش مرنا «مستەفا حەسه‌ن گەورە»، دیار بوو کو ناڤبووری سەرنڤیسەرێ مالپەرا «کوردستان پۆست» بوو، ئەڤ مالپەرا ھان، مالپەرەکە نێزی په‌كه‌كێ یه‌، د ڤێ مالپه‌رێ دە ب تەنێ رەخنە ل په‌كه‌كێ و ھێزێن سەر ب وێ و ھەڤالبەندێن وێ ڤە نایێ گرتن، مالپەرەکە کو ھەر ھەموو نڤیساندنێن تێدە دھێن پارڤە کرن، نڤیساندنێن دژی حکوومەتا ھەرێما باشوورێ کوردستانێ نە.

»مستەفا حەسەن گەورە»، ئەندامێ دەستەیا رێڤەبەر ئا «بەرەیا گەل» و چالاکڤانێ دیار ئێ خوەپێشاندانێن سلێمانیێ و ئاورۆپایێ ب سەدەما ڤیرۆسا کۆرنایێ جانێ خوە ژ دەست دا.

پاش 20 رۆژان ژ مانا وی ل بن چاڤدێرییا پزیشکی، «مستەفا حەسەن گەورە»، ب سەدەما ڤیرۆسا کۆرۆنایێ ل نەخوەشخانەیەكه‌ ولاتێ دانیمارکێ وەغەرا داویێ کر.

پێگەھا «دارکا مازی» ل باکورێ کوردستانێ کو د قادا ھۆشیار کرنا گەل دە ل سەر کوردایەتیێ تەڤ دگەرە، دلگرانییا خوە ژ بۆ مرنا ڤی چالاکڤانێ باشوورێ ولات رادگھینە و سەرساخیێ ل مالبات و کەس و کارێن وی دکە.

»مستەفا ھەسەن گەورە»، پێشمەرگەیێ دێرین و چالاکڤانێ دیار ئێ باشوورێ کوردستانێ بوو، برێڤەبەرێ مالپەرا «کوردستان پۆست» بوو، ئەو د پرانییا خوەپێشاندان و چالاکیێن گەلێ مە ده‌ ل دژی حکوومەتا ھەرێما باشوورێ کوردستانێ ل سلێمانیێ و ئاورۆپایێ بەشدار دبوو و د ناڤا ئامادەکاران دە جیێ خوە دگرت.

ل ڤێ دەربارێ دە، تەڤگەرا ئازادییا کوردستانێ و په‌ژاکێ ب داخوه‌یانیێن جودا سەرساخی ژ بۆ مالباتا «مستەفا حەسەن گەورە» شاندنە و تێدە خەمگینییا خوە ب ژ دەستدانا وی ئەشکەرە کرنە.

د وان داخویانییان دە، په‌ژاکێ و تەڤگەرا ئازادی، «مستەفا حەسەن گەورە» ب مەزنە ولاتپارێز و کەسەک ئازا و ئازادیخواز ب ناڤ کرییە، ژ بەر کو ھەردەم ل دژی حکوومەتا باشوورێ کوردستانێ تەڤ گەریایە، ئەڤ ژی دھێتە وێ واتایێ کو ولاتپارێزی د نەرینا په‌كه‌كێ و په‌ژاكێ دە، تەڤگەریانە ل دژی باشوورێ کوردستانێ و حکوومەتا وێ.