دو کەچێن کوردێن ئێزدی پشتی ٦ سالان ژ رەڤاندنا ژ ئالیێ چەکدارێن داعشێ ڤە، ھاتن رزگارکرن و ڤەگەریان جەم مالباتا خوە.
لەیلا و رۆنیا دو کەچێن ئێزدی تەمەن ١٧ سالی نە و ژ دەما ئێریشا سەر شنگالێ ل سالا 2014ان ژ ئالیێ چەکدارێن داعشێ ڤە ھاتبوون رەڤاندن. پشتی رزگاربوونا وان، ئیرۆ د دەریێ سینۆری پێشابوورێ رە ڤەگەریان جەم مالباتێن خوە.
مالباتێن وان ھەردو کەچکان ژ بۆ کو پێشوازیێ ل کەچێن خوە بکن ل بەر دەریێ سینۆر کۆم بوون.
ئەو دو کەچ پڕ کێفخوەش دیاربوون کو پشتی ٦ سالان ژ دەستێ داعشێ ھاتن رزگارکرن و ڤەگەریان ناڤا مالباتێن خوە.
رۆژا ٣ێ تەباخا ٢٠١٤ان چەکدارێن رێخستنا تەرۆریستی یا داعشێ ئێرشی دەڤەرا شنگالێ یا باشوورێ کوردستانێ کرن، ب سەدان کوردێن ئێزدی کوشتن و ب ھەزاران کەچ، ژن و زارۆکێن ئێزیدی رەڤاندن و ب دەھ ھەزاران کەس ژی ژ بەر وان تەرۆریستان کۆچبەر و پەنابەر بوون.
ل گۆر داوی ئامارا نڤیسگەھا رزگارکرنا رەڤاندیێن ئزدی ل باشوورێ وەلات، تا نھا چارەنڤیسا ٢٨٠٠ کوردێن ئێزدی نە دیارن.
