ھەڤسەرۆکێ بەرێ یێ پارتییا دەمۆکراتیک یا گەلان هه‌ده‌پێ، سەلاحەددین دەمیرتاش کو د گرتیگەھا ئەدرنێ دا یە، نامەیەک ژ ھونەرمەندێ ناڤدارێ کورد شڤان پەروەر رە شاند و تێدە ھێڤییا سەرکەڤتنێ ژ بۆ ھەولدانێن ھونەرمەندێن کوردێن ژ بۆ پێکانینا یەکرێزییا کوردان دخوازە.
شڤان پەروەر ل سەر ھەسابا خوە یا مەدیایا جڤاکی دیار کر کو ھەڤسەرۆکێ بەرێ یێ هەدەپێ سەلاحەددین دەمیرتاش، نامەیەک ژ بۆی وی شاندییە و نامەیا دەمیرتاش ل سەر فەیسبۆکا خوە بەلاڤ کر.
دەمیرتاش د نامەیا خوە دە دیار دکە کو سلاڤێن شڤان پەروەر گھیشتنە وی و ئەو ب وێ یەکێ شاد بوویە.
د نامەیا خوە دە دەمیرتاش نڤیساندییە: «ھێڤیدارم مۆرالێ وە بلندە و تەندروستییا وە باشە، گەرەک گەلێ مە و گەرەک ھەموو مرۆڤاتی، ئەز باوەرم دێ د ڤێ پێڤاژۆیێ دە ب ته‌کۆشینا رامان و رەوا یا نەتەوی پێکڤە سەرەفراز دەرباس بکن.«
دەمیرتاش د بەشەکە دن ئا نامەیا خوە دە ددە زانین کو ئەو ھەلوەستا ھونەرمەندێن کوردێن ژ بۆ یەکیتییا نەتەوی ب دلخوەشی و سەرەفرازی دشۆپینە و دبێژە: «ھێڤیدارم چالاکیێن وە ب گەرناسی و بێ ترس بەردەوام بن، د کەساتییا وە دە، ژ بۆنا ھەموو ھونەرمەندێن کورد رێز و سلاڤێن خوە یێن گەرم و دلڤین دشینم و سەرکەفتن و سەرەفرازییا وە ھەر دخوازم، بەندەوار و باوەرم کو ئەمێ ل پێشەرۆژێ د رۆژێن ئازاد دە ھەڤدوو ببینن«.
