باله‌فرێن جه‌نگ یێن ده‌وله‌تا داگیركار یا تركیێ، ئیرۆ ئێریشێ پێگه‌هێن په‌كه‌كێ ل باشوورێ كوردستانێ كر و دیسان زرارێن جانی پیره خستن.
چاڤكانیێن «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا شه‌می 16/5/2020ێ باله‌فرێن جه‌نگ یێن تركیێ، ته‌عقیبا حه‌ره‌كه‌تێن پارتییا كاركه‌رێن كوردستانێ كرنه و ل 3 جهێن جودا هه‌ده‌ف كرن و زرارێن جانی گهیشتنه په‌كه‌كێ.
هه‌روه‌ها ئاماژه كرنه، ئێریشێن تركیێ ل هه‌ر یه‌ك ژ ناڤچه‌یێن زاپێ، ئاڤاشین و باسیان چێبوونه، ده‌رئه‌نجام 2 گه‌ریلایێن په‌كه‌كێ جانێ خوه ژ ده‌ست دان.
د حه‌فتییا رابووری ده پێگه‌هێن په‌كه‌كێ ل باشوورێ كوردستانێ چه‌ندین جاران كه‌تن به‌ر ئێریشێن ده‌وله‌تا داگیركار یا تركیێ ب تایبه‌ت ل ناڤچه‌یا كانی ماسێ و ب سه‌ده‌ما ڤان ئێریشان، خه‌تا ئه‌لێكتریكێ یا 33 كه‌ی ڤه هاتبوو قوت كرن.
هه‌په‌گێ بالێ له‌شكری یێ په‌كه‌كێ، ل ده‌ربارا ڤان ئێریشان و ژ ده‌ست دانا گه‌ریلایێن خوه چ داخوه‌یانی ژ بۆ مه‌دیایێ نه‌دانه.
