په‌كه‌كێ كه‌چه‌كا 12 سال ل ده‌ڤه‌را به‌رواری بالا بریندار كر

په‌كه‌كێ كه‌چه‌كا 12 سال ل ده‌ڤه‌را به‌رواری بالا بریندار كر

هه‌ركو دچه‌ زرارێن شه‌رێ په‌كه‌كێ و ده‌وله‌تا داگیركار یا تركیێ ل باشوورێ كوردستانێ، ژ بۆ هه‌مولاتیێن سڤیل پێتر دبه‌، ئیرۆ ژی كه‌چه‌كه‌ ته‌مه‌ن 12 سال ل ده‌ڤه‌را به‌رواری بالا ب گوللـه‌یێن په‌كه‌كێ بریندار كه‌تییه‌.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، ئیرۆ رۆژا سێشه‌می 26/5/2020ان، هه‌ژماره‌كه‌ گه‌ریلایێن په‌كه‌كێ ل ده‌ڤه‌را به‌رواری بالا ل ناڤه‌چه‌یه‌كا هنداڤی گوندێ بێدوهی كو ب «سه‌رێ ئۆلیێ» تێ ناس كرن، ب چه‌كێن سڤك ئێریشێ نوقته‌یێن ئارته‌شا داگیركار یا تركیێ كر.

هه‌روه‌ها ده‌ست نیشان كرن، پاش ئێریشا گه‌ریلایان، تۆپخانه‌یا ده‌وله‌تا تركیێ، گوندێ بێدوهی تۆپباران كرن و ژبلی ترسا كو چێبوویی، زرار ژی هه‌بوون.

چاڤكانیێن «داركا مازی» كو ئاگاهی ژ خه‌لكێ گوندێ بێدوهی وه‌رگرتنه‌، ئه‌شكه‌ره‌ كرن كو پاش كو تۆپخانه‌یا تركیێ گوند تۆپباران كری، گه‌ریلایێن په‌كه‌كێ ژی ته‌قه‌ ل گوند كرن و ب وێ سه‌ده‌مێ كه‌چه‌كا ته‌مه‌ن 12 سال یا ب ناڤێ «دالیا ئیبراهمی ته‌ها» بریندار كه‌تییه‌.

هنه‌ك ژ روونشتڤانێن گوند كو بوویه‌ر ب چاڤ دیتنه‌ ژ بۆ پێگه‌ها «داركا مازی» سه‌ر راست كرن كو «دالیا یا 12 سال» ب گوللـه‌یێن گه‌ریلایێن په‌كه‌كێ هات بریندار كرن.

پارتییا كاركه‌رێن كوردستانێ ژ بۆ كو خوه ژ ئێریشێ ئاسیمانی یێن ده‌وله‌تا تركیێ بپارێزه‌، ته‌ڤ حه‌ره‌كه‌تێن گه‌ریلایێن خوه‌ خستنه‌ ناڤا گوندێن باشوور، هه‌مولاتیێن گوندێن باشوور ژی گازنێن خوه‌ هه‌نه‌ و ئه‌و دخوازن په‌كه‌كه‌ نیزی گوندێن وان نه‌به‌ ژ بۆ كو نه‌كه‌ڤن به‌ر ئێریشان.

پوستێن ھەمان بەش