ب ده‌ستوورییا میلیشیایێن ده‌وله‌تا داگیركار یا تركیێ، بڕینا دار زایتوونان ل هه‌رێما عه‌فرینێ یا رۆژئاڤا كوردستانێ ده‌وام دكه، گهیشتییه ئاسته‌كی كو هنه‌ك مایه هه‌رێما دار زه‌یتوونان بێ زه‌یتوون بمینه.
چاڤكانیێن پێگه‌ها «داركا مازی» ل رۆژئاڤا كوردستانێ ئه‌شكه‌ره كرن، ب ئاوایه‌كه سیسته‌ماتیك، هه‌وین بڕینا دارێن زه‌یتوونان ل هه‌رێما عه‌فرینێ كاره‌كی به‌رده‌وامه و میلیشیایێن ده‌وله‌تا داگیركار یا تركیێ ده‌ستوورییا برینا وان دده.
هه‌روه‌ها ئه‌شكه‌ره كرن، عه‌ره‌بێن ناڤچه‌یێن دن یێن سووریێ یێن كو پاش داگیركرنا عه‌فرینێ هاتنه وێ هه‌رێمێ و لێ خوه‌جهـ بوونه، ده‌ستوورییا برینا دار زه‌یتوونان ژ ملیشیایێن گرۆپا ب ناڤێ سه‌مه‌رقه‌ند، وه‌ردگرن.
ئامانجا برینا داران ژ بۆ مه‌به‌ستا فرۆشتنا وانه كو ژبه‌ر ره‌وشا ئابوورییا هه‌ری خه‌راب، ئه‌و یه‌ك كیلۆگراما داران ب قاسی 30 لیره‌یێن سووری دفرۆشن.
هه‌ر ل ڤێ ده‌ربارێ، نه‌رینگه‌ها سووری یا مافێن مرۆڤان ئه‌شكه‌ره كر، ژ مه‌ها ئادارا ئیسالێ، هه‌وێن به‌رفرهـ یێن برینا داران ل ناڤه‌ندا هه‌رێما عه‌فرینێ و سینۆرێ وێ ده‌ست پێ كرنه، وه‌ختا كو میلیشیایان ده‌ست ب برینا دارێن تاخا مه‌حموودیێ یا ناڤه‌ندا عه‌فرینێ كرین.
