ب سه‌ده‌ما په‌كه‌كێ جاره‌كه دن تركیێ ده‌ڤه‌را گاره‌ی بۆرۆدمان كر
باله‌فرێن جه‌نگ یێن ده‌وله‌تا داگیركار یا تركیێ، ئیرۆ د ته‌عقیبا حه‌ره‌كه‌تێن گه‌ریلایێن په‌كه‌كێ ده، جاره‌كه دن ئێریشێ باشوورێ كوردستانێ كر و ده‌ڤه‌را گاره‌ی بۆردۆمان كرن.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا ئینی 29/5/2020ان، باله‌فرێن جه‌نگ یێن ده‌وله‌تا تركیێ، دو جاران ئێریشێ چیایێ گاره‌ی ل سینۆرێ پارێزگه‌هییا دهۆكێ كرنه، دو مۆشه‌ك ل ئاقارێ گوندێن وێ ده‌ڤه‌رێ دانه.
ئێریش ل ده‌مژمێژ 2:30 پاش نیڤرۆژێ چێبوونه، باله‌فران 2 مۆشه‌ك ل ناڤچه‌یا ب ناڤێ «سه‌رێ گه‌ڤه‌ركێ» دانه و ئه‌و جی یه ئاقارێ گوندێ گه‌ڤه‌ركێ یێ گرێدای ناڤچه‌یا چه‌مانكێ ل ده‌ڤه‌را گاره‌ی یه.
چاڤكانیێن پێگه‌ها «داركا مازی» ل باشوورێ كوردستانێ، دیمه‌نێن ڤان ئێریشێن تركیێ شاندنه و تێده خوه‌یا دبه كو دۆمانه‌كه پر ل جیێن كو مۆشه‌كێن باله‌فران پێ كه‌تنه بلند دبه، نه‌هاتییه زانین كانێ تو زراره‌كه جانی ب سه‌ده‌ما وان ئێریشان هه‌یه یان ژی نا.
پارتییا كاركه‌رێن كوردستانێ ژ بۆ كو خوه ژ ئێریشێ ئاسیمانی یێن ده‌وله‌تا تركیێ بپارێزه، ته‌ڤ حه‌ره‌كه‌تێن گه‌ریلایێن خوه خستنه ناڤا گوندێن باشوور، هه‌مولاتی ژی گازنێن خوه هه‌نه و ئه‌و دخوازن په‌كه‌كه نیزی گوندێن وان نه‌به ژ بۆ كو نه‌كه‌ڤن به‌ر ئێریشان.
ئه‌ڤ ژی دیمه‌نێن ئێریشانه:
