ب سه‌ده‌ما ئێریشێن باله‌فرێن ده‌وله‌تا داگیركار یا تركیێ، ئیرۆ 2 هه‌مولاتی ل باشوورێ كوردستانێ شه‌هید كه‌تن كو خۆرته‌كه و باڤێ خوه نه.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا شه‌می 30/5/2020ان، باله‌فرێن ده‌وله‌تا تركیێ 2 مۆشه‌ك ل ناڤچه‌یا ب ناڤێ «گه‌رئافكێ» دانه كو دكه‌ڤه ئاقارێ گوندێ هێتیتێ یێ گرێدای ناڤچه‌یا دێره‌لۆكێ و ب وێ سه‌ده‌مێ هه‌مولاتیێن سڤیل شه‌هید كه‌تن.
هه‌روه‌ها ده‌ست نیشان كرن، ئه‌ڤ ئێریش ل ده‌مژمێر 7:00ێ سه‌رێ سبێ چێبوویه و ب سه‌ده‌ما ڤێ ئێریشێ دو هه‌مولاتی ب ناڤێ «سه‌يد جه‌لال محیه‌ددین و كوڕێ وی ئه‌حمه‌د» شه‌هید كه‌تنه.
چاڤكانیێن «داركا مازی» ل ده‌ربارا وان هه‌ردو هه‌مولاتییان ئاماژه كرن كو ئه‌و د ئه‌ساسێ ده كوردێن باكورێ كوردستانێ نه، د كه‌ڤن ده هاتبوون ناڤا هۆزا نێرۆه ل باشوورێ ولات و ئه‌و ژ گوندێ ب ناڤێ «بیبۆ» تێن حه‌ساب كرن.
جیێ كو ئه‌ڤ خۆرت و باڤێ خوه لێ شه‌هید كه‌تنه، ل ژێر ده‌ستهلاتا پارتییا كاركه‌رێن كوردستانێ په‌كه‌كێ ده یه.
