د ناڤبەرا گەریلا و جەندرمه‌یان ده‌ شەر قەومی

د ناڤبەرا گەریلا و جەندرمه‌یان ده‌ شەر قەومی

د په‌ڤچوونه‌كێ ده‌ كو ئیرۆ ل باژارێ بتلیسێ یێ باکورێ کوردستانێ چێبوویه‌، گه‌ریلایێن په‌كه‌كێ و ئارته‌شا تركیێ ل هه‌ڤ خست، دو گه‌ریلایان جانێ خوه‌ ووندا كر.

چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره‌ كرن، ئیرۆ رۆژا چارشەمی رێکكەفتی 3/6/2020ان ل باژارێ بتلیسێ یێ باکورێ کوردستانێ، شەر د ناڤبەرا گەریلایێن پەکەکێ و جەندرمەیێن ترکیێ دە قەومی.

ده‌ست نیشان كر، ل گوندەوارێن پارێزگەها بتلیسێ، ئۆپەراسیۆنەک ژ ئالیێ هیزێن ئەولەهیێ یێن ترکیێ هات ئەنجام دایین و تێدە 2 گەریلایێن پەکەکێ جانێ خوه‌ ووندا كر و هنه‌ك گەریلایێن دن بریندار بوون.

هات راگهاندن کو هەیا نها ژی ئۆپەراسیۆنا دەولەتا ترکیێ ل ناڤچەیێ د دۆمە.